Markus 12:36 - Sura Malelaha

³⁶ Mole Daudi haduduana mopakanoto Datu Topehompo iami Pue au napenombai. Anti peninina Inao Malelaha Daudi mampololita kana i Datu Topehompo node: Pue mongkora i Ampuku au kupenombai, Nauli: ‘MohudamoKo ntanda i koanaNgku duuna Kupopengkoruhe ope-ope iwaliMu Irio.’

Markus 12:36 교차 참조

Ibarani 1:13

Bara hambela Pue Ala mololita i malaeka nodo au Napahawe i AnaNa, node: “MohudamoKo ntanda i koanaNgku, duuna Kupopengkoruhe ope-ope iwaliMu Irio”

1 Korintu 15:25

Lawi Kerisitu hangangaa mewali datu au moparenta, duuna Pue Ala mampopengkoru ope-ope au meewa Iria,

Suro 1:16

“Halalu-halalu, apa au teuki i lalu Sura Malelaha hangangaa mewali. Hangkoia ara lolitana Inao Malelaha au napahawe Datu Daudi kana i Yudasi au moanti tauna mohaka Yesu.

2 Peturu 1:21

Lawi Ngkorana Pue au rapahawe hangkoia bara moula peundeana manusia. Nabi-nabi iti mohowarahe Ngkorana Pue Ala anti peninina Inao Malelaha.

1 Peturu 1:11

Anti peninina Inaona Kerisitu au ara i lalunda, Pue Ala mampopaisaahe noumba karumihina kapari au hangangaa morumpa watana Kerisitu hai noumba kamahilena tuwoNa ane liumi kapari iti. Agaiana nabi-nabi hangkoia, barahe moisa noumba ope-ope iti ina mewali. Ido hai raparesa ntepuu, lawi rapeinao raisa impira kaina haweNa hai noumba pewalina.

Ibarani 4:7

Ido hai Pue Ala mopakanoto alo ntanina bona manusia peisa molambi pengkarooangaa hihimbela hai Ia. Alo au Napakanoto iami au rauli “alo ide” halalu, lawi i alo iti mohadimoke Ngkora Marasa. Bahangkia atuna parena roo nabi Musa, Datu Daudi mouki Ngkorana Pue Ala au tahadi inona au manguli: “Alo ide, ane mohadikau wotuna Pue Ala, inee nipamatua lalumi.”

2 Timotiu 3:16

Ope-ope au teuki i lalu Sura Malelaha, rauki moula popakanotona Pue Ala melempo i Inao Malelaha, hai mobundu irikita bona: taisa mopahawe paturo au tou, moewa paturo au sala, mopakaroa babehia au kadake, hai mopaguru tauna bona manoto babehianda.

Suro 28:25

Anti posisalana pelambianda, ido hai magaramohe hangko i poteruhuanda iti. Agaiana hangko damanihe mogaa-gaa, nauliangaahe Paulu node, “Hintoto mpuu apa au nauli Inao Malelaha au napahawe nabi Yesaya i toiorunta hangkoia, node: