Markus 12:29 - Sura Malelaha

²⁹ Nauli Yesu, “Idemi parenta au meliu kamahilena: ‘Nipehadingi to Isaraeli! Amputa Pue Ala hadua pea.

Markus 12:29 교차 참조

Lukasi 10:27

Nahanai guru agama iti, “Au kubasa, node: ‘Nipokaahi Pue Ala, Ampumi, i sukana kabulana lalumi, i sukana pekirimi, i sukana rohomi, hai i sukana kapandemi.’ Hai teuki wori: ‘Nipokaahi hangka rangami nodo pampokaahimi watami haduduami.’ ”

Galatia 3:20

Mewali, Aturana Pue rapahawe i manusia melempo i Musa. Agaiana i kanapahawena Pue Ala dandiNa i Burahima, bara ara au mosarungkoroi. Batena pea Pue Ala haduduaNa au mopahawe dandi iti.

Roma 3:30

Lawi Pue Ala hadua pea, hai Iami au mopamanoto to Yahudi anti pepoinalainda, hai mopamanoto worihe tauna au bara to Yahudi anti pepoinalainda.

Yudasi 1:25

Pue Ala, au bara ara kasimbelaNa, Ia au mohoremake hangko i huku dosanta anti kanapahurunta Yesu Kerisitu Amputa. Tapomahile hangaNa lawi Ia pea au meawa, au mahile tuwoNa, au makuasa hai au merae, mepongka hangkoia, ide-ide, hai hawe i hae-haena. Amin! Hangko iriko YUDASI

1 Korintu 8:4

Mewali, kana i paande au rapopenomba i anitu, niuli peisa raande, lawi taisa kadana ara pue ntanina, batena pea Pue Ala. Hai taisa ope-ope lengge anitu au rapenombai, bara ara au tou.

Yakobu 2:19

Ba nipoinalai hadua pea Pue Ala? Tou mpuu diti. Agaiana ane noiti pea, bara handa! Lawi mogalorihe seta, mampoinalai worihe kahaduana pea Pue Ala. Ido hai moradahe anti kalanganda.

1 Timotiu 2:5

Hadua pea Pue Ala, hai hadua pea wori au peisa mopahintuwu Pue Ala hai manusia. Topepahintuwu iti, manusia wori, iami Kerisitu Yesu.

1 Timotiu 1:5

Tunggaiana paturongku ide bona ikita ope-ope mombepokaahike. Hangangaa mombepokaahike hangko i lalunta au malelaha, hangko i kabulana lalunta hai hangko i kamarohona pepoinalainta i Pue Ala.

Matiu 23:9

Hai inee wori nipomahile tauna i dunia ide hai nikakiohe ‘Uma,’ lawi Umami hadua pea, iami Umami au ara i suruga.

Matiu 10:37

Hema au melumbu pampokakaiana inana ba umana pane pepokaahina Iriko, bara hintoto mewali topeulaNgku. Hema au melumbu pampokakaiana anana pane pepokaahina Iriko, bara hintoto mewali topeulaNgku.