Markus 12:15 - Sura Malelaha

¹⁵ Mole naisari Yesu tunggaiana lalunda. Ido hai Nauliangaahe, “Moapa hai ina nipakanawoNa? NipopaitaaNa mai doi au biasa nipopobaiari asele bona Kuita.”

Markus 12:15 교차 참조

Pampetudungia 2:23

Ope-ope tauna au meula iria ina Kupapatehe. Hangko inditi, ina tongawa i ope-ope jumaa kaIkona au moparesa pekiri manusia hai lalu manusia. Ina Kuhurungikau hintoto hai babehiami.

Ibarani 4:13

Bara ara hampaka au tewuni i peitaNa. Hinangkana au ara tepambole hai tongawa Iria. Hai Iria hangangaa tapangaku ope-ope babehianta.

1 Korintu 10:9

Ineeke mopaara karumpuna Pue, nodo au rababehi tauna i olonda hangkoia, alana matehe natilo ile.

Suro 5:9

Nauli Peturu, “Moapari hai hampepekirikau hamboko i babehiami iti? Ba nipeinao pae mampetandaka Inaona Pue? Peita! Tauna au hangko roohe motawu tobalilomu, oloumohe i baba. Ina rakowa woriko lao ratawu.”

Yohane 21:17

Hangko inditi, mekune mbulimi Yesu kataluna belana, “Simo, anana Yona, ba nupokaahiNa?” Masusami laluna Peturu, lawi talumi belana Yesu mekune ba nupokaahiNa. Mewali, nauli Peturu, “Pue, Nuisa hinangkana. Nuisa kakupokaahiMu.” Nauli Yesu, “Ane nodo, nukadipurahe dimbaKu.

Lukasi 20:23

Agaiana naisari Yesu tunggaiana lalunda au tewuniangi. Ido hai Nauliangaahe:

Markus 10:2

Arahe bahangkia toParisi au mai mohaoki kamanawona Yesu, mekunehe, rauli, “Moula atura agamanta, ba peisa mpuu tobalilo mogaa hai towawinena?”

Matiu 22:18

Naisami Yesu tunggaiana lalunda au kadake, ido hai Nauliangaahe, “Modongko mpuukau! Moapa hai nihaoki kamasalana lolitaNgku?

Markus 12:14

Kahawenda i Yesu, rauliangaa, “Guru, kiisa Oio tauna manotoKo. MepaturoKo i katou-touana moula peundeana Pue Ala. Barako langa i hema pea, lawi baraKo mampopontani tauna. Ido hai mekunengkai Irio: moula atura agamanta, ba hintoto ane mobaiarike asele i Kaisar, ba bara?”

Markus 12:16

Hangko inditi, rahuhua hampeka doi pera. Nadokomi Yesu hai Napekune, “Lenggena hema hai hangana hema au ara i doi ide?” Rahanai, “Lengge hai hangana Kaisar.”

Yohane 8:6

Tunggaiana pampekunenda iti, mohaoki peahe kamanawona lolitana Yesu bona rasalai. Agaiana Yesu, bara mehana. Motumpa pea mouki i tampo hai karaweNa.