Markus 12:1 - Sura Malelaha

¹ Roo indo, Yesu mopahawe hampaka ngkora pandiri i tadulakonda to Yahudi, Nauli, “Ara hadua tauna au motuda anggoro i bondena. Tauna iti mokadipura bondena hai nawala mantoleli. Mokaemi kalolu mobabehi popiengaa anggoro, hai naaro worimi bambaru pokampaia. Karoona ope-ope iti napobago, bonde iti naweihe topobagona bona rakadipura hai rakiraia wori wuana. Roo indo laomi modaga.

Markus 12:1 교차 참조

Markus 13:34

Ane hawe suleNa, pewalina nodo ngkora pandiri ide. Hadua ampu sou motunggai lao i wanua au karao. Hangko damani meangka, mampohawaamohe taunana mokadipura souna, hadua-haduahe nawei bagonda. I topokadipura baba, nauliangaa: ‘Mainga-ingako!’

Markus 4:2

Ngkaia pakana au Napaturoahe i lalu ngkora pandiri, Nauli,

Matiu 25:14

“Ane hawe suleNa, pewalina nodo ngkora pandiri ide: hadua tuana ina lao i wanua au karao. Hangko damani padu, mokakio hawina hai naweihe doi rapopolumao bona ara anana.

Suro 7:38

Musa iti au mokampaihe to Yahudi au bosa i pada wungi. Ia hihimbela hai toiorunta hangkoia, hai ia wori au mohadi lolitana malaeka i Bulu Sinai. Iami au modoko Ngkora Ngkatuwo hangko i Pue Ala bona rapahaweake duuna ide-ide.

Lukasi 19:12

Nauli, “Ara hadua tuana au motunggai lao i tampo au karao bona ralanti mewali datu, hai roo indo, ina mesule.

Lukasi 15:13

Bahangkia alona roo indo, anana au toadi mampobalumi kirana hai laomi molilo. Inditi, ia mopaope mbero doina i babehia au bara maroa.

Lukasi 8:10

Nahanaihe Yesu, Nauli, “Hangkoia, tewuniangi mani paturo kana i poparentana Pue Ala. Ide-ide naweikau Pue Ala pekiri bona niisa lempona paturo iti. Agaiana tauna bosa, Kupaturohe hai ngkora pandiri bona lempona tewuniangi irihira. ‘Meitatohe, agaiana bara raisa lempona apa au raita. Mehaditohe, agaiana bara raisa tunggaiana apa au rahadi.’

Matiu 21:28

Napaliliu Yesu lolitaNa i tadulako agama Yahudi, Nauli, “Noumba pelambiami: ara hadua uma, anana rodua, tobalilo haha. Ia lao i towutu, nauliangaa: ‘Anangku, alo ide, laoko mobago i bonde.’

Lukasi 22:9

Rapekune, “Pue, iumba peundeaMu kipasilolonga paande iti?”

Matiu 13:3

Roo indo, Yesu mopahaweahe ngkaia pakana paturo i lalu ngkora pandiri, Nauli, “Ara hadua tauna au lao mohawu.

Matiu 21:33

Napaliliu Yesu lolitana i tadulako agama Yahudi, Nauli, “Pehadingi wori ngkora pandiri ide. Ara hadua ampu bonde au motudai bondena hai anggoro. Ampu bonde iti mokadipura bondena hai rawala mantoleli. Nababehi worimi popiengaa anggoro hai bambaru pokampaia. Roo indo, nasarohe bahangkia tauna mokampai, hai laomi modaga i tampo au karao.

Matiu 21:34

Hawemi tempona mopupu wua anggoro, natudumi bahangkia hawina lao merapi kirana hangko i topokadipura bondena.

Markus 3:23

Ido hai Nakakiohe Yesu, hai Napololitaahe bahangkia pakana ngkora pandiri, Nauli, “Peisa pae seta mampopeloho hangka setana?

Markus 11:33

Mewali rahanai, rauli, “Bara kiisa.” Ido hai Nauliangaahe Yesu, “Ane nodo, bara worikau ina Kuuliangaa kahangko iumbana kuasaNgku mobabehi iti.”