Markus 11:32 - Sura Malelaha

³² Agaiana mapari wori ane tauli hangko i manusia pea kuasana.” Tadulakonda to Yahudi iti langahe mopakoi Yohane Toperiu datihe raewa tauna bosa, lawi ope-ope tauna manguli Yohane iti hadua nabi.

Markus 11:32 교차 참조

Markus 12:12

Karahadina tadulakonda to Yahudi lolitana Yesu, rapeinaomi rahaka, lawi raisa kaihirana au Natunggai hai ngkora pandiri iti. Agaiana barahe bai, lawi mampokalangahe tauna bosa. Mewali, padu pearaihe.

Matiu 21:46

Ido hai rahaokimi rara bona mohaka Yesu, agaiana barahe bai. Mampokalangahe tauna bosa, lawi rauli tauna bosa Yesu iti iami hadua nabi.

Matiu 14:5

Katouana, napeinao peami Herode mopapate Yohane, agaiana mampokalanga tauna bosa, lawi rauli tauna bosa ia hadua nabi.

Suro 5:26

Ido hai laomi tadulako surodado hihimbela hai ranganahe i Souna Pue Ala mangala suro iti. Barahe hampai mokakarumpui ba mopapahai Suro iti, lawi langahe rawatui tauna bosa.

Yohane 10:41

Bosahe tauna lao mampohidupaa Yesu. Rauli tauna iti, “Yohane bara mobabehi tanda kuasa. Agaiana ope-ope au napahawe kana i Yesu mewali hahami.”

Lukasi 22:2

I tempo iti, kapala-kapala tadulako mpenomba hai guru-guru agama mohaokihe rara mopapate ngkandii Yesu, lawi mampokalangahe tauna bosa.

Lukasi 20:19

Guru-guru agama hai kapala-kapala tadulako mpenomba moisa kaihirana au natunggai Yesu i lalu ngkora pandiriNa inona. Ido hai arami tunggaianda mohaka Yesu i tempo iti. Agaiana barahe bai, lawi mampokalangahe tauna bosa.

Markus 6:20

lawi Herode motuduhe surodadona mokampai Yohane i lalu tarunggu. Herode bara bai mopapate Yohane lawi naisa kaiana tauna au manoto laluna hai malelaha tuwona. Ane mohadi lolitana Yohane, wuli mpuu laluna, agaiana matana wori laluna mohadi.

Matiu 11:9

Mewali, apari au nipeinao lao nipeita? Ba mampeinaokau mampeita nabi? Ane nodo, tou. Agaiana Kuuliangaakau meliu kamahilena tuwona Yohane hangko i nabi au ntanina.

Markus 11:31

Mololitamohe tadulakonda to Yahudi iti hadua hai hadua, rauli, “Noumbami katahanaina? Ane tauli hangko i Pue Ala kuasana, ina Nauliangaake: ‘Ane nodo, moapari hai barakau mepoinalai i Yohane?’

Markus 11:33

Mewali rahanai, rauli, “Bara kiisa.” Ido hai Nauliangaahe Yesu, “Ane nodo, bara worikau ina Kuuliangaa kahangko iumbana kuasaNgku mobabehi iti.”