Markus 11:23 - Sura Malelaha

²³ Tou mpuu au Kuuliangaakau: ane rapana niuliangaa bulu iti: ‘Teangkamoko, manawoko i lalu tahi!’ batena ina mewali asala bara bata-bata lalumi hai nipoinalai mpuu pewalina apa au niuli iti.

Markus 11:23 교차 참조

Matiu 17:20

Nahanaihe Yesu, “Nodomi, lawi makura mani pepoinalaimi. Tou mpuu au Kuuliangaakau ide: ane arami pepoinalaimi nauri kokoi pea nodo lihu hahawi, ope-ope peisa mewali. Peisakau mouliangaa bulu iti: ‘Melimbako hangko inditi!’ hai batena melimba.

Yohane 15:7

Ane mohintuwu liliukau hai Iko hai lolitaNgku nipailalu liliu, niperapimi i Pue Ala ba apa peundeami, batena Naweikau.

Matiu 21:21

Nahanai Yesu, “Tou mpuu au Kuuliangaakau, ane nipoinalai hai bara bata-bata lalumi, peisa wori nibabehi nodo au Kubabehi i kau iti. Mogalori bulu olou, peisa nipohawaa, niuli: ‘Teangkamoko, pengkanawo i lalu tahi!’ hai batena ina mewali.

Yohane 14:13

Mewali, apa au niperapi anti pepoinalaimi Iriko, ina Kubabehi, bona apa au Kubabehi iti mampomahile UmaNgku.

Lukasi 17:6

Nahanai Yesu, “Ane arami pepoinalaimi nauri kokoi pea nodo lihu hahawi, peisakau mouliangaa kau mahile ide: ‘Mawukamoko hangko inde, hai melimbako i tahi!’ hai batena ina mewali moula hawami.”

1 Korintu 13:2

Ane rapana, molambina kapande mopahawe lolita hangko i Pue Ala hai molambina ope-ope kapande hangko i Pue Ala au bara raisa rangangku, hai ane maroho pepoinalaingku pane kubuku mopalimba bulu, agaiana bara maahi lalungku, bara mpuu ara bunduna katuwongku.

Matiu 14:13

Kanahadina Yesu bambari kana i kamatena Yohane, liliu padumi hangko inditi. Ia mesawi i duanga lao mopatani i paidaa au boa. Tunggaiana Yesu bona mopalehi tauna bosa. Agaiana tauna bosa mohadi kapaduna Yesu, ido hai mopalehimohe boeanda hai mekulelehe moula rara au metalinti i rano.