Markus 11:18 - Sura Malelaha

¹⁸ Karahadina kapala-kapala tadulako mpenomba hai guru agama apa au nababehi Yesu iti, mohaokimohe rara mopapate Yesu anti kalanganda Iria, lawi raisa ope-ope tauna matanahe mampehadingi paturoNa.

Markus 11:18 교차 참조

Matiu 7:28

Karoona Yesu mololita, tingkaramohe ope-ope tauna au mohadi pepaguruNa,

Markus 12:12

Karahadina tadulakonda to Yahudi lolitana Yesu, rapeinaomi rahaka, lawi raisa kaihirana au Natunggai hai ngkora pandiri iti. Agaiana barahe bai, lawi mampokalangahe tauna bosa. Mewali, padu pearaihe.

Suro 24:25

Paulu mololita i Feliks node: ikita hangangaa manoto babehianta, hai hangangaa tabuku morempeki peundeana lalunta, lawi ina hawe Alo Pehukuna Pue Ala. Kanahadina Feliks lolita iti, langami, pane nauli, “Nodomi hampai! Laomoko! Kukakio peako deade, ane ara katepakangku.”

Yohane 7:46

Rahanai, “Lawi bara mani ara kihadi tauna au mololita nodo Ia!”

Lukasi 20:19

Guru-guru agama hai kapala-kapala tadulako mpenomba moisa kaihirana au natunggai Yesu i lalu ngkora pandiriNa inona. Ido hai arami tunggaianda mohaka Yesu i tempo iti. Agaiana barahe bai, lawi mampokalangahe tauna bosa.

Lukasi 19:47

Alo-alona Yesu mepaguru i Souna Pue Ala. Kapala-kapala tadulako mpenomba hai guru-guru agama hai totosaenda to Yahudi mampeinaohe mopapate Yesu,

Lukasi 4:22

Tingkaramohe ope-ope tauna au mampehadingi lolitaNa, rauli, “Maroa mpuu pololitaNa! Manoto ntepuu au Nahowara, nauri ananato pea Yusupu!”

Markus 11:32

Agaiana mapari wori ane tauli hangko i manusia pea kuasana.” Tadulakonda to Yahudi iti langahe mopakoi Yohane Toperiu datihe raewa tauna bosa, lawi ope-ope tauna manguli Yohane iti hadua nabi.

Markus 6:20

lawi Herode motuduhe surodadona mokampai Yohane i lalu tarunggu. Herode bara bai mopapate Yohane lawi naisa kaiana tauna au manoto laluna hai malelaha tuwona. Ane mohadi lolitana Yohane, wuli mpuu laluna, agaiana matana wori laluna mohadi.

Markus 3:6

Padumohe toParisi hangko i sou penombaa, hai laohe moteruhu hai taunana Datu Herode. Mohaokihe rara bona mopapatehe Yesu.

Markus 1:22

Tingkaramohe tauna au mohadi paturoNa, lawi pepaguruNa bara nodo guru-guru agama. PepaguruNa, nodo tauna au makuasa ntepuu.

Matiu 21:15

Agaiana kapala-kapala tadulako mpenomba hai guru-guru agama, rumpuhe moita tanda kuasa au nababehi Yesu. Hai koi inaonda mohadi anangkoi au monganga-nganga i lalu Souna Pue Ala au manguli, “Tetoiami pemuleana Datu Daudi!”

Lukasi 2:47

Ope-ope tauna au mohadi pehanaNa manguli, “Mapande mpuu Anangkoi iti!”

Yohane 7:1

Roo indo, Yesu lao i humalele tampo Galilea. Barapi mau lao i tampo Yudea, lawi arahe tadulakonda to Yahudi inditi au mampeinao mopapate.

Yohane 7:19

Nabi Musa hangkoia moweikau Aturana Pue Ala. Agaiana barakau ara hadua au mampeulai Atura iti. Moapa hai nipeinaoNa nipapate?”