17 Roo indo, Napaturohe, Nauli, “Bara pae niisa apa au teuki i lalu Sura Malelaha? Pue Ala manguli node: ‘SouNgku ina mewali sou pekakaea au rapake tauna hangko i humalele dunia.’ ‘Agaiana ikamu, nipopewaliri sou pogulua topebagiu!’ ”
Nauliangaahe, “I lalu Sura Malelaha, Pue Ala manguli node: ‘SouNgku ide iami sou pekakaea.’ Agaiana ikamu, nipopewaliri sou pogulua topanangka!”
Roo indo, mouliangaahe topobalu-balu tadasi manggebodo, “Nianti ope-ope iti lao i raoa! Souna UmaNgku inee nipopewali sou pobalu-balua!”
Roo indo, barapi mopaliu tauna moanti anu-anunda melempo i tabangaa Souna Pue Ala.
I tabangaa Souna Pue Ala, Naitahe tauna au mampobalu japi, dimba hai tadasi manggebodo. Ara worihe topointolohi doi au mohuda inditi i mejanda.
