Markus 11:14 - Sura Malelaha

¹⁴ Ido hai Naganemi kau iti, Nauliangaa, “Mepongka alo ide, barapi ara hadua tauna au ina moande wuamu.” LolitaNa iti rahadi topeguruNa.

Markus 11:14 교차 참조

Matiu 21:19

Naita i wiwi rara hampoa kau ara. Laomi i patoana Nahaoki wuana, agaiana bara huba haogu wuana, batena pea tawena. Ido hai Yesu mogane kau iti, Nauli, “Mepongka alo ide, barapoko mowua!” Liliu malau hai bangi kau ara iti.

Yohane 15:6

Hema au bara mohintuwu liliu hai Iko batenda ratende, nodo karatendena daa au rabohoki duuna mewali bangi. Daa iti, ragulu hai rahuwe.

Matiu 7:19

Kau au bara mowua maroa, ina ratiwi hai raintuki.

Matiu 3:10

Ina hawe pehukuna Pue Ala! PehukuNa nodo owahe au masilolongami i patoa kau. Ope-ope kau au bara maroa wuana ina ratiwi hai ratende i lalu api.”

Pampetudungia 22:11

Lawi ane hawemi tempo iti: Tauna au kadake, pogiangaamide mobabehi au kadake. Tauna au madosa, pogiangaamide madosa. Tauna au manoto, pogiangaamide mobabehi au manoto. Tauna au malelaha, pogiangaamide mobabehi au malelaha.”

Matiu 21:44

Hema au manawo i watu ide ina mareta, hai hema au narumpa watu ide ina marupu.”

2 Peturu 2:20

Meahi-ahi mpuuhe tauna iti. Nguru-nguruna moisamohe Amputa Yesu Kerisitu, ido hai tekabahahe hangko i babehia au kadake i dunia ide, agaiana roo indo mesule hulehe i babehianda au kadake duuna moulahe babehia iti. Kahopoana rumihi mpuu kamaruginda hangko i nguru-nguruna.

Matiu 21:33

Napaliliu Yesu lolitana i tadulako agama Yahudi, Nauli, “Pehadingi wori ngkora pandiri ide. Ara hadua ampu bonde au motudai bondena hai anggoro. Ampu bonde iti mokadipura bondena hai rawala mantoleli. Nababehi worimi popiengaa anggoro hai bambaru pokampaia. Roo indo, nasarohe bahangkia tauna mokampai, hai laomi modaga i tampo au karao.

Markus 11:13

Yesu moita ngkarao hampoa kau ara au motawemi. Laomi Napeita ba ara wuana. Agaiana bara huba haogu wuana, lawi bara mani tempona mowua.

Markus 11:15

Hawe mbulimohe i Yerusale, laomi Yesu i tabangaa Souna Pue Ala. Inditi, Ia mowurahe topobalu-balu. Mejanda topointolohi doi nadungka, nodo wori pohudaanda topobalu-balu tadasi manggebodo.