Markus 10:47 - Sura Malelaha

⁴⁷ Kanahadina Bartimeus Yesu to Nasare au moliu, meraroami, nauli, “Yesu pemuleana Datu Daudi! Pokaahi wongkoia!”

Markus 10:47 교차 참조

Markus 1:24

“Ee Yesu to Nasare! Ina Nupoapangkai? Ba ina Nupakarugingkai? Kuisa kaOiona mpuu Suro au malelaha hangko i Pue Ala.”

Pampetudungia 22:16

Iko, Yesu, motudumoNa malaekaNgku mopahawe paturoNgku ide irikamu ope-ope jumaa. Iko pemuleanana Datu Daudi. Ikomi Betue ntanda i Mata alo au mewangka ntepuu.”

Matiu 9:27

Tangana Yesu mopaliliu polumaoNa, ara rodua tobilo au meula-ula i bokoNa hai mekakakiohe, rauli, “Pemuleana Datu Daudi, Nupokaahi wongkamia!”

Yohane 7:52

Mehanahe rangana, rauli, “Ba to Galilea woriko! Nuwile hai nuparesa i lalu Sura Malelaha. Bara ara nabi au mesupa hangko i Galilea.”

Matiu 26:71

Hangko inditi lao worimi Peturu meangka hungku i babaka. Ara wori hadua towawine au moita ia hai mouliangaahe tauna au inditi, “Ia ide hihimbela wori hai Yesu to Nasare iti.”

Matiu 15:22

Inditi, ara hadua towawine to Kanaa, au bara to Yahudi. Towawine iti mai i Yesu, hai meraroa, nauli, “Pue, pemuleana Datu Daudi! Pokaahi wongkoia! Anangku towawine napesuangi tokadake, rumihi kamahaina.”

Suro 6:14

Ia kihadi manguli node: Yesu au hangko i Nasare ina mogero Souna Pue Ala hai mobaliki ope-ope ada au napaturoake Musa.”

Yohane 19:19

Pilatu motudu surodadona mopataka pata i kau popakuana Yesu au rapoukii: YESU TO NASARE, DATUNDA TO YAHUDI.

Yohane 7:41

Hanggaa worihe manguli, “Ia idemi Datu Topehompo!” Agaiana ara worihe au manguli, “Ia to Galilea! Datu Topehompo bara mai mesupa hangko i Galilea.

Yohane 1:46

Mehana Natanael, nauli, “Ara wori pae au maroa hangko i boea Nasare?” Nauli Pilipu, “Maimoko bona nuita!” Lao mpuumohe i Yesu.

Lukasi 4:16

Laomi Yesu i Nasare, boea karapakahileaNa. Hai nodo biasana, Ia mesua i sou penombaa i alo Satu, alo Penombaanda to Yahudi. Meangkami bona mobasa Sura Malelaha,

Matiu 21:11

Rahanai tauna au hihimbela hai Ia, “Idemi Yesu, hadua nabi hangko i Nasare i tampo Galilea.”

Matiu 21:9

Bosa tauna au meula i Yesu, arahe au moioru, ara worihe au i boko. Mogee-gee liliuhe, rauli, “Tetoiami pemuleana Datu Daudi! Rawatimi tauna au mai i lalu hangana Pue! Tetoiami Pue Ala au indora i suruga!”

Matiu 20:30

Arahe rodua tobilo mohuda i wiwi rara. Karahadina Yesu au moliu, meraroahe, rauli, “Pue, pemuleana Datu Daudi! Pokaahi wongkamia!”

Matiu 12:23

Tingkaramohe tauna bosa au moita iti, alana mombekunehe, rauli, “Ba Ia idemi Datu Topehompo pemuleana Datu Daudi au radandi hangkoia?”

Matiu 2:23

hai maidahe i boea au rahanga Nasare. Mewali tepabukeimi lolitanda nabi hangkoia kana i Datu Topehompo au manguli node: Ia ina rauli to Nasare.

Matiu 1:1

Yesu Kerisitu iami pemuleana Datu Daudi, pemuleana Burahima. Mepongka hangko i Burahima hawe i Daudi, hanganda au mampemuleaka Yesu, idemohe: