Markus 10:33 - Sura Malelaha

³³ Nauli, “Nipehadingi maroa! Ide-ide monontohimoke Yerusale. Inditimi, Iko Ana Manusia ina rahuhuNa i kapala-kapala tadulako mpenomba hai guru-guru agama, hai ina rabotusi bona rahuku mateNa. Roo indo, ina rahuhuNa i tauna au barahe to Yahudi.

Markus 10:33 교차 참조

Matiu 27:2

Roo indo, Yesu rahilu taieNa hai raanti lao i lindona Gubernur Pilatu.

Markus 8:31

Roo indo, napepongkami Yesu mampololita i topeguruNa apa au hangangaa mewali i wataNa, Nauliangaahe, “Iko, Ana Manusia, hangangaa molambi ngkaia kapari. Ina rasapuakaNa totosae boea, kapala-kapala tadulako mpenomba hai guru-guru agama. Ina rapapateNa, agaiana i alo katalu ina tuwo huleNa.”

Matiu 26:66

Noumba pelambiami?” Rahanai topogombo iti, rauli, “Hangangaa rahuku mate!”

Matiu 16:21

Mepongka hangko inditi, Yesu mopakanoto i topeguruNa apa au hangangaa mewali i wataNa, nauliangaahe, “Hangangaa laoNa i Yerusale. Inditi ina rapopeahi-ahiNa totosae boea, kapala-kapala tadulako mpenomba hai guru-guru agama. Ina rapapateNa, agaiana i kataluna alona, ina tuwo huleNa.”

Yakobu 5:6

Mohuku hai mopapatemokau tauna au barahe masala, hai barahe meewa.

Suro 20:22

Ide-ide ina laona i Yerusale moula hawana Inao Malelaha iriko. Inditi bara kuisa apa au ina mewali i watangku,

Suro 13:27

Lawi ampu wanua Yerusale hai tadulakonda, barahe moisa kahemana Yesu iti. Barahe moisa lempona lolitanda nabi-nabi au rabasa i alo-alo Penombaa. Ido hai mohuku matehe Yesu. Agaiana apa au rababehi iti mewali bona tepabukei apa au rauli nabi-nabi hangkoia.

Yohane 19:11

Nauli Yesu, “Ane barako nawei Pue Ala kuasa iti, bara ara kuasamu Iriko. Mewali, hema au mohuhuNa irio, meliu kamahilena dosana hangko irio.”

Yohane 18:28

Madondo-dondo, Yesu raanti hangko i souna Kayapas lao i souna gubernur. Tadulakonda to Yahudi, barahe mesua i lalu souna gubernur datihe mewali kedai moula atura agamanda, lawi gubernur iti bara to Yahudi. Hai ane mesuahe i lalu souna, barahe peisa moande paande Pasa.

Lukasi 23:21

Agaiana monganga-nganga liliuhe masisimbuku, rauli, “Papate! Papate i kau mombehape!”

Lukasi 9:22

Nauli mbuli Yesu, “Iko, Ana Manusia, hangangaa molambi ngkaia kapari. Ina rasapuakaNa totosae boea, kapala-kapala tadulako mpenomba hai guru-guru agama. Ina rapapateNa agaiana i kataluna alona ina tuwo huleNa.”

Markus 15:1

Madondo-dondo, ope-ope tadulako agama hai kapala-kapala tadulako mpenomba hai guru agama hai totosaenda to Yahudi au ntanina himpudumohe bona Yesu rahilu taiena hai raanti lao i lindona Pilatu. Kahawena Yesu inditi,

Markus 14:64

Nihadimi lolitaNa au mopapakoi Pue Ala. Noumba pobotusimi?” Rabotusi sambelami katouna Yesu masala hai hintoto rahuku mate.

Markus 9:31

lawi i tempo iti, tangaNa mopaguru topeguruNa. Nauliangaahe, “Iko Ana Manusia, ina rahuhuNa i kuasa manusia. Ina rapapateNa, agaiana i alo katalu, ina tuwo huleNa.”

Markus 9:12

Nahanaihe, Nauli, “Tou. Elia hangangaa hawe ioru, lawi ia au mopasilolonga hinangkana. Agaiana noumba Iko Ana Manusia? Moapa hai teuki i lalu Sura Malelaha ina molambiNa ngkaia kapari hai rakakabosaiNa tauna?

Yohane 18:32

(Ide mewali bona tepabukei apa au nauli Yesu kana i kapateNa.)