Markus 10:22 - Sura Malelaha

²² I pohadina lolitana Yesu, masusami laluna hai padumi, lawi ngkaia anu-anuna.

Markus 10:22 교차 참조

Lukasi 12:15

Roo indo, mololitami Yesu i tauna bosa, Nauli, “Mainga-ingakau hai maroa-roakau, ineekau mampeinao morampu anu-anu dunia. Lawi kehapiri ngkaia anu-anumi, barari iti au mopaara katuwo maroa.”

2 Timotiu 4:10

Lawi ina barapi ara au mamporangaina inde. Napalehimona Demas, lawi laomi i Tesalonika mohaoki katuwona i dunia ide. Kreskes, lao i Galatia. Titu lao i Dalmatia.

Epesu 5:5

Nipehadingi maroa: hema-hema au mobabehi babehia kedai, merikai ba au mehioro, nodohe tauna au menomba i anitu. Tauna iti barahe hintoto molambi kiranda i lalu poparentana Kerisitu hai Pue Ala.

2 Korintu 7:10

Lawi ara kasusa lalu au moula peundeana Pue Ala, hai kasusa iti moantike menoso hangko i babehianta au kadake, alana Pue Ala mohoremake hangko i huku dosanta. Kasusa iti inee tapenosoi, agaiana tapokatanari. Agaiana ane masusa lalunta nodo i tauna au bara mepoinalai i Pue Ala, kasusa iti barake moanti menoso hangko i babehianta au kadake, alana molambike kapate au mogaakike hangko i Pue Ala.

Lukasi 18:23

Kamohadina lolitana Yesu, masusami laluna, lawi ngkaia anu-anuna.

Matiu 19:22

Kamohadina lolitana Yesu, masusa laluna hai padumi, lawi ngkaia anu-anuna.

Matiu 13:22

Tinuda au manawo i olo dui lempona, tauna au mampehadingi Ngkorana Pue Ala, agaiana mopailalu liliu peahe katuwonda i lalu dunia, hai mampeinao peahe morampu anu-anu dunia. Ido hai barapi ara paidaa Ngkorana Pue Ala i lalunda, hai barapi mobundu Ngkora iti i lalu katuwonda.

Markus 6:26

Kanahadina Herode pamperapina, masusami laluna. Agaiana sumpana i anantowawine iti barapi peisa nadii hule, lawi mosumpami i lindonda torarena.

Matiu 27:3

Yudasi au mampobalu Yesu, moisami kaina rahuku matenami Yesu, mewali menosomi. Ido hai laomi i kapala-kapala tadulako mpenomba hai totosaenda to Yahudi mampopesule doi pera au talu pulona pekana,

Markus 6:20

lawi Herode motuduhe surodadona mokampai Yohane i lalu tarunggu. Herode bara bai mopapate Yohane lawi naisa kaiana tauna au manoto laluna hai malelaha tuwona. Ane mohadi lolitana Yohane, wuli mpuu laluna, agaiana matana wori laluna mohadi.

Markus 10:21

Yesu mototoki tauna iti lawi maahi laluNa, pane Nauliangaa, “Ara mani hampaka au hangangaa nubabehi. Laomoko hampai mampobalu hinangka anu-anumu, hai holona nuweihe tauna au meahi-ahi tuwonda. Ane nubabehi nodo, ina mahile hurungina au nuhumba i lalu suruga. Roo indo, maimoko meula Iriko.”

Markus 10:23

Yesu mototoki topeguruNa au meangkahe mantoleli, hai Nauliangaahe, “Mapari mpuu tauna au pebuku mesua i lalu poparentana Pue Ala.”