Markus 10:21 - Sura Malelaha

²¹ Yesu mototoki tauna iti lawi maahi laluNa, pane Nauliangaa, “Ara mani hampaka au hangangaa nubabehi. Laomoko hampai mampobalu hinangka anu-anumu, hai holona nuweihe tauna au meahi-ahi tuwonda. Ane nubabehi nodo, ina mahile hurungina au nuhumba i lalu suruga. Roo indo, maimoko meula Iriko.”

Markus 10:21 교차 참조

Pampetudungia 2:4

Agaiana ara au Kusalaiakau: barapoNa nipokaahi nodo kanipokaahiNgku hangkoia.

Lukasi 10:42

Katouana, ara hampaka au paraluu ntepuu; hangangaa mampehadingike Ngkorana Pue Ala. Iti au maroa ntepuu, hai itimi au napilei Maria. Hai apa au napilei Maria bara ina raala hangko iria.”

Yakobu 2:10

Hema au moliungi hampaka pea hangko i ope-ope Aturana Pue Ala, himbela pea hai moliungimi ope-ope Atura iti.

Suro 2:45

Arahe i olonda au mampobaluhe anu-anunda, hai holona rakira-kira i hangka ranganda au barahe nakaarai.

Lukasi 18:22

Kanahadina Yesu lolitana, Naulimi, “Ara mani hampaka au hangangaa nubabehi. Laomoko hampai mampobalu hinangka anu-anumu, hai holona nuweihe tauna au meahi-ahi tuwonda. Ane nubabehi nodo, ina mahile hurungina au nuhumba i lalu suruga. Roo indo, maimoko, meulamoko Iriko.”

Matiu 16:24

Roo indo, Yesu mouliangaahe topeguruNa, “Hema au mampeinao meula Iriko, hangangaa mokabaha peundeana haduduana hai mohalea kau popakuana. Ane nodo, hangko peisari meula Iriko.

Pampetudungia 2:20

Agaiana ara mani au Kusalaiakau. Lawi ara hadua towawine au rahanga Isebel, au mouli kaiana hadua nabi, hai nipogiangaa pea mopaguru tauna au mepoinalai Iriko. Towawine iti mopaturohe mobabehi babehia au merikai hai laohe moande paande au rapopenomba i anitu. Bosa hawiNgku napakanawo hai paturona iti.

Pampetudungia 2:14

Agaiana ara bahangkia pakana au Kusalaiakau, lawi arakau hanggaa au mampeulai paturona Bileam. Hangkoia Bileam iti mopaguru Balak noumba rara mopakanawo to Isaraeli bona madosahe. Nawawahahe moande paande au rapopenomba i anitu, hai nawawahahe mobabehi au merikai.

Ibarani 10:34

Maahi lalumi i tauna au ratarunggu anti peulanda i Pue Yesu. Ane anu-anumi rarampaki, bara nipokaehua. Agaiana batemi matana, lawi niisa kaarana au rapasilolongaakau i suruga au meliu kamaroana hai au bara mokahopoa.

Lukasi 12:33

Ido hai Kuuli, nipobalumi anu-anumi, hai holona niweihe tauna au meahi-ahi tuwonda. Lawi ane nibabehi nodo, mowolikau anu-anumi i lalu kusau au bara peisa mahepa, lempona, i lalu suruga. Anu-anumi iti bara ina matanta, lawi bara peisa rapanangka hai bara peisa naande bubu.

Markus 8:34

Roo indo, Yesu mokakio tauna bosa mogulu hai topeguruNa, hai Nauliangaahe, “Hema au mampeinao meula Iriko, hangangaa mokabaha peundeana haduduana hai mohalea kau popakuana. Ane nodo, hangko peisari meula Iriko.

Lukasi 19:41

Hungkumi Yesu i Yerusale, Ia mampetiro wanua iti, hai Nateriahi,

Lukasi 9:23

Hangko inditi, Yesu mouliangaahe ope-ope tauna, “Hema au mampeinao meula Iriko, hangangaa mokabaha peundeana haduduana hai alo-alona mohalea kau popakuana. Ane nodo, hangko peisari meula Iriko.

Matiu 19:21

Nahanai Yesu, “Ane mampeinaoko mampeulai Pue Ala hangko i kabulana lalumu, laomoko hampai mampobalu hinangka anu-anumu, hai holona nuweihe tauna au meahi-ahi tuwonda. Ane nubabehi nodo, ina mahile hurungina au nuhumba i lalu suruga. Roo indo, maimoko meula Iriko.”

2 Korintu 12:15

Mewali, matanana mopake hinangkana au ara iriko hawe-hawe i watangku motulungikau. Ane nodo kamahilena ahingku irikamu halalu, moapari pane makura mani ahimi iriko?

Yohane 16:33

Ope-ope ide Kuuliangaamokau bona molambikau katinda lalu hangko i pohintuwumi hai Iko. Tangami mani i dunia ide, batemi rapopeahi-ahi. Agaiana nipakaroho lalumi, lawi kuasa tokadake au ara i lalu i dunia ide Kunangimi.”

Yohane 12:26

Hema au naunde mewali hawiNgku, hangangaa meula Iriko bona iumba kalaoaNgku, inditi wori ia. Hai hema au mewali hawiNgku ina napomahile UmaNgku.”

Lukasi 16:9

Ido hai Kuuliangaakau: tauna au mengkoru i Pue Ala hangangaa mampekirihe karao. Anu-anumi i dunia ide hangangaa nipake motulungi hangka rangami bona ane hawe tempona anu-anumi iti barapi mobundu, ina radokokau i paidaa au maroa duuna i hae-haena.

2 Timotiu 3:12

Taisami: ope-ope tauna au meula i Kerisitu Yesu hai au mengkoru i Pue Ala batena ina rapopeahi-ahi.

Markus 10:22

I pohadina lolitana Yesu, masusami laluna hai padumi, lawi ngkaia anu-anuna.