Markus 10:20 - Sura Malelaha

²⁰ Nauli tauna iti, “Guru, ope-ope hawa iti, aminami kupeulai hangko koi-koi peamona.”

Markus 10:20 교차 참조

2 Timotiu 3:5

Ane i petotokinda ranganda, babehianda mampeulai mpuuhe atura-atura agama nodohe tauna au mengkoru i Pue Ala, moleri mosapuakatohe kuasana Pue Ala au peisa mobaliki lalunda. Tauna au nodo babehianda, ineehe nupogaloa.

Pilipi 3:6

I tempo iti mampeulai mpuuna agama Yahudi, duuna kupari-pari mampopeahi-ahi tauna au mepoinalai i Yesu. Kupeulai hinangka parenta au teuki i lalu Aturana Musa, bara ara tauna au peisa molambi kamasalangku.

Roma 7:9

Hangkoia hangko damani kuisa Aturana Musa, kuuli maroa mpuu katuwongku. Agaiana i kakuhadina Atura iti, tepakami dosa mokale i lalungku,

Matiu 19:20

Nauli anantomoane iti, “Ope-ope hawa iti, kupeulaimi. Apa mani au hangangaa kubabehi?”

Lukasi 10:29

Agaiana guru agama iti mampeinao mopakanoto babehiana. Ido hai nauli, “Hemahe rangangku au hangangaa kupokaahi?”

Markus 10:21

Yesu mototoki tauna iti lawi maahi laluNa, pane Nauliangaa, “Ara mani hampaka au hangangaa nubabehi. Laomoko hampai mampobalu hinangka anu-anumu, hai holona nuweihe tauna au meahi-ahi tuwonda. Ane nubabehi nodo, ina mahile hurungina au nuhumba i lalu suruga. Roo indo, maimoko meula Iriko.”