Markus 10:19 - Sura Malelaha

¹⁹ Nuisato hawa au teuki i lalu Aturana Musa: ‘Inee mepapate, inee mebualosi, inee manangka, inee mohowara dongko, inee mebagiu, hai bila umamu hai inamu.’ ”

Markus 10:19 교차 참조

Roma 13:9

Lawi i lalu Aturana Pue Ala ara hawa au manguli node, “Inee mebualosi, inee mepapate, inee manangka, inee nipokaelu anu-anuna rangami.” Ope-ope hawa ide hai hawa au ntanina, tapabukeimi ane mampeulaike hawa au hampaka ide, “Nipokaahi hangka rangami nodo pampokaahimi watami haduduami.”

Yakobu 2:11

Lawi nauli Pue Ala, “Inee mebualosi.” Hai Nauli wori, “Inee mepapate.” Mewali, kehapirikau bara mebualosi, agaiana mepapatekau, batena moliungi manikau Aturana Pue Ala.

Lukasi 18:20

Nuisami hawa au teuki i lalu Aturana Musa: inee mebualosi, inee mepapate, inee manangka, ineekau mohowara dongko, hai bila umamu hai inamu.”

1 Tesalonika 4:6

I babehia tobalilo hai towawine, ineekau mobabehi sala i tauna ntanina lumbunami i halalumi hampepepoinalai. Hangkoia kipakanotoamokau pehukuna Pue Ala i tauna au mobabehi nodo.

Galatia 5:14

Ara parenta au manguli: “Nupokaahi hangka rangamu nodo pampokaahimu watamu haduduamu.” Ane tapeulai parenta au hampaka iti, himbelami hai mobabehike ope-ope Aturana Musa au nahawaake Pue Ala.

Galatia 4:21

Halalungku, ikamu au mampeinao moula Aturana Musa, nipehadingi lolitangku! Ina kupakanotoakau apa au teuki i lalu Sura Aturana Musa.

Roma 3:20

Bara ara hadua au manoto i peitana Pue Ala i pampeulaina Aturana Musa. Lawi hangko i atura itimi, taisa kamadosanta.

Markus 10:18

Nahanai Yesu, nauli, “Moapari hai nuuli tauna maroaNa? Bara ara hadua tauna au maroa, batena pea Pue Ala.