Markus 10:14 - Sura Malelaha

¹⁴ Kanaitana Yesu apa au rababehi, Ia mokarumpuihe topeguruNa, Nauli, “Pogiangaahe anangkoi iti mai Iriko. Ineehe nikonto, lawi tauna au nodohe anangkoi ide ina mewali taunana Pue Ala i lalu poparentaNa.

Markus 10:14 교차 참조

Matiu 19:14

Nauli Yesu i topeguruNa, “Pogiangaahe anangkoi iti mai Iriko. Ineehe nikonto, lawi tauna au nodohe anangkoi ide ina mewali taunana Pue Ala i lalu poparentaNa.”

Matiu 18:10

“Mewali, mainga-inga mpuukau. Inee nipakoi tauna au koi tuwona nodo anangkoi ide, nauri hadua pea. Lawi tou-tou Kuuliangaakau: malaeka au mokampaihe maida liliu i lindona UmaNgku au ara i suruga.

Matiu 18:4

Hema au mengkaiwoi laluna hai mewali nodo anangkoi ide, iami au mahile ntepuu tuwona hangko i ope-ope taunana Pue Ala i lalu poparentaNa.

1 Peturu 2:2

Nodo hadua analei au hangko mesupa mampeinao peami mentomi irinana, ikamu wori hangangaa mohaoki liliu peamokau paandena tanoanami, iami Ngkorana Pue Ala. Hangangaa nipailalu Ngkorana Pue bona kamaroho-rohoa lalumi hai kamanoto-notoari pekirimi alana molambikau katehorema.

2 Timotiu 3:15

Hai hangko koi-koi peamoko, nuisami apa au teuki i lalu Sura Malelaha. Sura Malelaha iti au peisa mopakanoto lalunta duuna mepoinalaike i Kerisitu Yesu hai tehoremake hangko i huku dosanta.

Pampetudungia 14:5

Barahe modongko, hai bara wori ara kamanawonda.

2 Timotiu 1:5

Kuuli ngkaia kamaroana i Pue Ala, lawi kuisa pepoinalaimu i Pue Yesu hangko i lalumu mpuu. Nguru-nguruna au mepoinalai i Yesu iami totuamu Lois hai inamu Eunike. Hai kuisa pepoinalaimu batena ina moula pepoinalainda inamu hai totuamu.

Epesu 4:26

Ane rumpukau, inee nipogiangaa karumpumi iti moantikau madosa. Ineekau mowoli karumpumi duuna tampu alo,

1 Korintu 14:20

Halalu! Ineekau nodo pekiri anangkoi, hangangaa manoto lalumi nodo hadua tosae. Agaiana i babehiami, ikamu hangangaa nodokau hadua analei au bara mani naisa mobabehi apa au kadake.

1 Korintu 7:14

Lawi tobalilo to Sarani iti mopamalelaha potambinda, hai towawine to Sarani iti mopamalelaha wori potambinda. Ane rapana bara nodo, ananda ina raimba nodo anangkoi au bara moisa Pue. Agaiana ananda iti mewalimi kirana Pue Ala lawi hadua hangko i tosaenda mepoinalai i Pue Yesu.

Roma 11:28

Ide-ide to Yahudi mampoiwalihe Pue Ala, lawi barahe mampoinalai Ngkora Marasa. Hangko inditi, morasikau au bara to Yahudi. Agaiana nauri nodo, to Yahudi iti batenda napokaahi liliu Pue Ala, lawi Napileimohe moula dandiNa i toiorunda.

Roma 11:16

Ane moantike hangkira hangko i wua tuda-tudanta, tahuhu i Pue Ala mewali kabula lalu, lempona ope-ope tuda-tudanta Pue Ala ampuna. Ane uakana Pue Ala ampuna, daana wori Pue Ala ampuna.

Suro 3:25

Ikamumi halalu au molambi apa au nadandi Pue Ala hangkoia au rapahawe nabi-nabi iti. Ikamumi au molambi pewati hangko i dandina Pue Ala i toiorunta hangkoia. Lawi hangkoia Pue Ala mongkora i Burahima node: ‘Hangko i pemuleamu, ope-ope tauna i wongko dunia ina molambihe pewati.’ Irikamumi halalu tunggaiana dandi iti!

Suro 2:39

Lawi dandina Pue Ala ide raweike hai rawei worihe pemuleanta duuna hawe i tauna ntanina au karao. Dandina Pue Ala ide, batena mewali kiranda ope-ope tauna au nakakio Amputa Pue Ala mewali taunaNa.”

Markus 8:33

Membalilimi Yesu mototoki topeguruNa, hai mampokarumpu Peturu, Nauliangaa, “Peloho Datu Tokadake! Pekirimu iti pekiri manusia, bara pekirina Pue Ala.”

Markus 3:5

Membalilimi Yesu mototokihe. Rumpumi hai masusa laluNa anti kamatuana lalunda, hai mouliangaami tauna au wara taiena, “Ona taiemu!” Naona mpuumi taiena hai liliu maoha.

Matiu 5:3

“Morasihe tauna au bara rasauru hai meharunga peahe i Pue Ala, lawi ihirami au mewali taunana Pue Ala i lalu poparentaNa.

Matiu 5:10

Morasihe tauna au rapopeahi-ahi anti poulanda peundeana Pue Ala, lawi ihirami au mewali taunana Pue Ala i lalu poparentaNa.

Yohane 3:3

Nauli Yesu, “Ane hadua tauna bara rapoanaka sule, bara peisa mewali taunana Pue Ala i lalu poparentaNa. Lolita ide tou.”

Yohane 3:5

Nauli Yesu, “Ane tauna bara rapoanaka hai owai hai kuasana Inaona Pue Ala, bara peisa mewali taunana Pue Ala i lalu poparentaNa. Lolitangku ide tou!