Markus 10:10 - Sura Malelaha

¹⁰ Roo indo, Yesu hai topeguruNa mesua i lalu sou. Tanganda i lalu sou, mekune hulehe topeguruNa Iria kana i ada mpogaa.

Markus 10:10 교차 참조

Markus 9:33

Kahawenda i boea Kapernaum, mesuamohe i haogu sou, mekunemi Yesu i topeguruNa, Nauli, “Apari au nipololita i tanga polumaonta inona?”

Markus 9:28

Roo indo, Yesu hai topeguruNa paduhe hangko inditi mesua i lalu sou. Pesuanda, mekunemohe topeguruNa iria, rauli, “Guru, moapari hai bara kibuku mampopeloho tokadake iti inona?”

Markus 4:10

Roo indo, tangana Yesu haduduana, topeguruNa au hampulo hai rodua hai bahangkia tauna ntanina au meula Iria maihe mekune rauli, “Apari lempona ngkora pandiri inona?”

Markus 10:9

Ido hai Kuuliangaakau, apa au napahintuwumi Pue Ala, inee mpuu hawe nagaa manusia.”

Markus 10:11

Nauliangaahe Yesu, “Hema au mampogaaki towawinena hai mampotambia towawine ntanina, lempona mebualosi.