Markus 1:4 - Sura Malelaha

⁴ Moula apa au teuki iti, hawe mpuumi Yohane Toperiu i pada wungi. Ia mopahawe Ngkorana Pue Ala i tauna bosa, nauli, “Menosomokau hangko i dosami bona naampungikau Pue Ala hai maimokau kuriu.”

Markus 1:4 교차 참조

Yohane 3:23

I tempo iti, Yohane bara mani ratarunggu. Ia meriu i boea Ainon, bara karao hangko i boea Salim, lawi inditi handa owai. Alo-alona tauna lao mampoperiu i Yohane.

Matiu 3:6

Maihe mopangaku dosanda, hai nariuhe i owai Yarade.

Lukasi 1:77

Oio au ina mopahawe i tauna bosa noumba rara bona dosanda naampungi Pue Ala alana molambihe pehorema

Suro 22:16

Mewali, apa mani au nupegia? Meangkamoko hai laomoko rariu. Mekakaemoko i Pue Yesu bona Naampungi dosamu.’ ”

Suro 10:37

Niisa wori apa au mewali i humalele tamponda to Yahudi mepongka i Galilea i karoona Yohane moriu tauna bosa au menosohe hangko i dosanda.

Matiu 3:11

Nauli mbuli Yohane, “Kuriukau hai owai, tanda pampenosoimimi dosami. Agaiana ina hawe hadua tauna au meliu kuasaNa hangko iriko. Mogalori mowosui peana kandupaNa, barana hintoto. Ia au ina moriukau hai Inao Malelaha hai api.

Markus 1:5

Bosa tauna au hawe mampeinao mampehadingi lolitana. Arahe au hangko i wanua Yerusale hai hangko i humalele tampo Yudea, maihe mopangaku dosanda hai nariuhe i owai Yarade.