Markus 1:35 - Sura Malelaha

³⁵ Kahalona, hungku mabaa, mearomi Yesu hai padu hangko i boea iti lao mekakae haduduana i paidaa au boa.

Markus 1:35 교차 참조

Lukasi 6:12

Hambela tempo, Yesu laomi i tongku-tongkuna, hai mekakae hambengia i Pue Ala.

Epesu 6:18

Hai i lalu pombealami moewa Datu Tokadake, mekakaekau hai merapi tulungi liliukau i Pue Ala. I hinangkana, mekakaekau moula peninina Inao Malelaha. Ineekau oha-oha mekakae hai hangangaa nipekakaea liliuhe ope-ope tauna au mepoinalai i Pue Yesu.

Lukasi 5:16

Agaiana Yesu mengkambeiha lao mekakae i hambua paidaa au boa.

Ibarani 5:7

I tempona mani Yesu tuwo i lalu dunia ide, Ia meraroa hai moteria, mekakae hai mohowara pamperapiNa i Pue Ala au makuasa mokabaha hangko i kapate. Agaiana Yesu bara moula peundeaNa haduduaNa, batena mengkoru i peundeana Pue Ala. Ido hai Pue Ala mampehadingi pamperapiNa.

Yohane 6:15

Mewali, arami tunggaianda mopari-pari Yesu mewali datunda. Kanaisana Yesu tunggaianda, padumi Ia hangko inditi lao i tongku-tongkuna mampasadudua.

Matiu 14:23

I pesulenda tauna iti, mempanaimi Yesu lao i bulu, hai mekakae haduduaNa. Ina kaindimi inditi mani Ia haduduana.

Pilipi 2:5

Poantita hangangaa nodo poantina Kerisitu Yesu.

Yohane 4:34

Ido hai nauliangaahe Yesu, “PaandeKu, iami mampeulaiNa peundeana Pue Ala au motuduNa, hai moparooNa bago au NaweiNa.

Matiu 14:13

Kanahadina Yesu bambari kana i kamatena Yohane, liliu padumi hangko inditi. Ia mesawi i duanga lao mopatani i paidaa au boa. Tunggaiana Yesu bona mopalehi tauna bosa. Agaiana tauna bosa mohadi kapaduna Yesu, ido hai mopalehimohe boeanda hai mekulelehe moula rara au metalinti i rano.

Markus 1:36

Simo hai rangana laohe mohaoki Yesu. KaralambiNa peami liliu rauliangaa,