Markus 1:24 - Sura Malelaha

²⁴ “Ee Yesu to Nasare! Ina Nupoapangkai? Ba ina Nupakarugingkai? Kuisa kaOiona mpuu Suro au malelaha hangko i Pue Ala.”

Markus 1:24 교차 참조

Matiu 8:29

Monganga-ngangahe seta au mampesuangi tauna iti, rauli, “Anana Pue Ala! Moapari hai maiKo? Ineengkai Nuhuku! Bara mani hawe tempona Nupakaparingkai.”

Yakobu 2:19

Ba nipoinalai hadua pea Pue Ala? Tou mpuu diti. Agaiana ane noiti pea, bara handa! Lawi mogalorihe seta, mampoinalai worihe kahaduana pea Pue Ala. Ido hai moradahe anti kalanganda.

Lukasi 4:34

“Ee Yesu to Nasare! Ina Nupoapangkai? Ba ina Nupakarugingkai? Kuisa kaOiona mpuu Suro au malelaha hangko i Pue Ala!”

Suro 3:14

Malelaha hai manoto laluNa, agaiana nisapuakari, hai niperapi i Pilatu bona nakabahaakau hadua topepapate.

Pampetudungia 3:7

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Filadelfia: Idemi lolitana Pue Yesu au malelaha hai au manoto. Ia au mokingki pegili baba i kadatuana Daudi. Ane Ia au mobungkahi, bara ara au peisa motuko. Ane Ia au motuko, bara ara au peisa mobungkahi.

Suro 2:27

Lawi Oio Pue, bara Nupogiangaa watangku maida i lalu dunia tomate. TaunaMu au malelaha bara Nupogiangaa moita kapate.

Lukasi 8:28

I kamoitana Yesu, meraroami hai molingkudu i lindona Yesu hai mololita masisimbuku, nauli, “Yesu, Anana Pue Ala i suruga, apari mai Nuala? Kuperapi bona inee wongkoia Nupopeahi-ahi.”

Markus 5:7

Yesu mowura seta au mampesuangi tauna iti, Nauli, “Melohomoko hangko i tauna ide!” Monganga tauna iti, nauli, “Yesu Anana Pue Ala au i suruga! Apari mai Nuala? Kuperapi bona modandiKo i lalu hangana Pue Ala, barana ina Nupopeahi-ahi.”

Yohane 6:69

Ikami, kipoinalaimi hai kiisa kaOiona mpuu Suro au malelaha hangko i Pue Ala.”

Lukasi 1:35

Nahanai malaeka, “Inao Malelaha ina mendaulu irio, hai kuasana Pue Ala ina mobobongiko. Ido hai anangkoi au ina nupoanaka iti, ina rauli Anana Pue Ala au Malelaha.

Suro 24:5

Paulu ide iami topegero-gero i ope-ope boea. Iumba-umba pea, ia mohuweki lalunda to Yahudi bona moewahe topoparenta. Hai ia idemi hadua tadulakonda tauna au mampeulai paturona Yesu to Nasare.

Suro 4:27

O Pue, tepabukei mpuumi lolitana Daudi iti. Lawi tou-tou mpuu mewalimi i lalu wanua ide, Datu Herode hai Pontiu Pilatu hintuwuhe hihimbela hai to Yahudi hai tauna au barahe to Yahudi. I lalu kahintuwunda iti, mampeinaohe moewa Yesu, AnaMu au Malelaha au Nupileimi mewali Datu Topehompo.

Lukasi 24:19

Nauli Yesu, “Apari au mewali?” Mehanahe, rauli, “Au mewali iti kana i Yesu to Nasare! Ia hadua nabi au makuasa i pobagoNa hai i pololitaNa, maroa i peitana Pue Ala ba i peitana tauna.

Matiu 2:23

hai maidahe i boea au rahanga Nasare. Mewali tepabukeimi lolitanda nabi hangkoia kana i Datu Topehompo au manguli node: Ia ina rauli to Nasare.

Lukasi 8:37

Ido hai ope-ope tauna i tampo Gerasa merapi i Yesu bona padu hangko i tamponda, lawi langa mpuuhe. Mewali mesawi mbulimi Yesu i duanga hihimbela hai topeguruNa, hai padumohe.

Markus 1:23

I tempo iti, ara wori inditi hadua tauna au napesuangi hai monganga-nganga, nauli,

Markus 1:25

Agaiana nakambaroa Yesu, Nauli, “Mandiiko! Pelohomide hangko i tauna iti!”

Markus 10:47

Kanahadina Bartimeus Yesu to Nasare au moliu, meraroami, nauli, “Yesu pemuleana Datu Daudi! Pokaahi wongkoia!”

Markus 14:67

Kamoitana Peturu mamindu, napelengge maroa, hai liliu nauliangaa, “Bara pae oio wori hadua rangana Yesu to Nasare olou?”

Markus 16:6

Nauli anantomoane iti, “Ineekau tingkara! Kuisa kamohaokimi Yesu to Nasare au rapaku i kau mombehape. Ia tuwo hulemi! Barapi ara inde. Nipeita karadampaaNa.

1 Yohane 2:20

Agaiana ikamu halalu, nidokomi Inao Malelaha au hangko i Kerisitu. Ido hai pane moisamokau ope-ope paturo au tou.