Lukasi 9:52 - Sura Malelaha

⁵² Natudumi bahangkia topeguruNa moioru. TopeguruNa au Natudu iti mesuamohe i hambua boeanda to Samaria bona mopasilolongahe ope-ope au raparaluu i kahawena Yesu.

Lukasi 9:52 교차 참조

Matiu 10:5

Au hampulo hai rodua iti natuduhe Yesu lao mobambari Ngkora Marasa. Hangko damanihe meangka, Napaturohe nauli node, “Ineekau lao i boeanda tauna au barahe to Yahudi. Ineekau lao i boeanda to Samaria.

Lukasi 17:16

Ia molingkudu motumpa i lindona Pue Yesu hai manguli ngkaia kamaroana Iria. Tauna iti iami hadua to Samaria.

Lukasi 10:33

Bara mahae hangko indo, moliu wori hadua to Samaria i rara iti. Kamoitana tauna au marugi iti, maahi laluna iria.

Lukasi 10:1

Roo indo, Pue Yesu mopilei pitu pulona topeulaNa au ntanina hai Natuduhe rorodua moioru i ope-ope boea au ina Nakalaongi.

Yohane 8:48

Rauli to Yahudi, “Tou mpuu au kiuli! NodoKo to Samaria au napesuangi seta.”

Lukasi 7:27

Lawi Yohane iti au natunggai i lalu Sura Malelaha hangkoia. Nauli Pue Ala i AnaNa, ‘Idemi suroNgku au ina Kutudu moioru hangko Irio, bona mopasilolonga raraMu.’ ”

Lukasi 17:11

I lalu polumaoNa lao i Yerusale, Yesu moula pariolo tamponda to Samaria hai to Galilea.

Yohane 4:4

I lalu polumaoNa iti, Ia hangangaa moliu i tamponda to Samaria.

Yohane 4:5

I tanga pualo, hawemi i hambua wanua au ara i Samaria au rahanga Sikar, bara karao hangko i tampo au nahumba Yusupu hangkoia hangko i Yako umana. I raoa boea iti, ara hambua tibubu au rahanga tibubuna Yako. Mohudami Yesu i wiwi tibubu iti, lawi mawowemi molumao.

Yohane 4:9

Tingkara mpuu towawine iti, lawi biasana to Yahudi bara raunde mampogaloa to Samaria. Ido hai nauli, “Oio to Yahudi, iko to Samaria. Moapari pane merapiKo owai iriko?”