Lukasi 9:35 - Sura Malelaha

³⁵ Unga peahe mohadi hambua wotu hangko i lalu gawu au manguli, “Idemi AnaNgku au Kupilei. Nipehadingi lolitaNa!”

Lukasi 9:35 교차 참조

Lukasi 3:22

hai Inao Malelaha nodo tadasi manggebodo mendaulu Iria. Hai ara hambua wotu hangko i suruga au manguli, “Oiomi AnaNgku au Kupokakaia hai Kupokatana.”

Matiu 3:17

Roo nodo, rahadimi wotuna Pue Ala hangko i langi au manguli, “Ia idemi AnaNgku au Kupokakaia hai Kupokatana.”

Ibarani 5:9

Hai anti pengkoruNa, Yesu mewali Topehompo au bara ara kamakuraNa, hai Ia mowei ope-ope tauna au mengkoru Iria katuwo maroa au bara mokahopoa.

Ibarani 3:15

Inee naliu inaonta apa au tabasa inona au teuki node: “Alo ide ane mohadikau wotuna Pue, inee nipamatua lalumi nodo toiorumi hangkoia meewa i Pue.”

Ibarani 2:3

melumbu mani pehukuna Pue Ala irikita ane barake mopailalu bambari katehorema. Hai bambari katehorema iti melumbu ntepuu kuasana hangko i aturana Musa, lawi nguru-nguruna bambari iti napahawemi Anana Pue Ala haduduaNa. Hai tauna au nguru-nguruna mohadi lolitana Yesu hangkoia mopakanotoake katouna bambari iti.

Yohane 3:16

Anti kamahilena ahina Pue Ala i ope-ope tauna i dunia, ido hai Nakirami AnaNa au HaduduaNa bona hema pea au mepoinalai Iria, bara rahuku, agaiana molambi katuwo maroa au bara mokahopoa.

Matiu 12:18

“Idemi hawiNgku au Kupilei, au Kupokakaia, hai au mopamatana laluNgku. Ina Kuwei InaoNgku Iria. Ia ina mopahawe parentaKu au manoto i ope-ope tauna.

Markus 1:11

Roo nodo, rahadimi wotuna Pue Ala hangko i langi au manguli, “Oiomi AnaNgku au Kupokakaia hai Kupokatana.”

Lukasi 9:34

Tangana mani Peturu mololita, hawemi gawu mobalungkuhihe. Langamohe moita gawu iti.

Yohane 12:28

Uma, patongawamide peawana hangaMu!” Roo indo, ara hambua wotu hangko i langi au manguli, “Kupatongawami peawana hangaNgku hai ina Kupatongawa mbuli.”