Lukasi 9:24 - Sura Malelaha

²⁴ Hema au mokabaha peundeana haduduana anti peulana Iriko kehapiri rapapate, iami au molambi katuwo maroa. Agaiana hema au mampeulai peundeana haduduana bara molambi katuwo maroa.

Lukasi 9:24 교차 참조

Lukasi 17:33

Hema au mampeulai peundeana haduduana, bara molambi katuwo maroa. Agaiana hema au mokabaha peundeana hai meula Iriko kehapiri rapapate, iami au molambi katuwo maroa.

Yohane 12:25

Tauna au mampokakaia watana, bara ina molambi katuwo maroa. Agaiana tauna au mokabaha peundeana haduduana i dunia ide, ina molambi katuwo maroa au bara mokahopoa.

Pampetudungia 2:10

Bona niisa: Datu Tokadake ina motarunggu hanggaa hangko irikamu, hai ina nakelokau bona mousulikau hangko i pepoinalaimi. Ina rapopeahi-ahikau hampulo alona kamahaena. Agaiana inee nipokalanga pepopeahi-ahi iti. Hangangaa mantahakau i lalu pepoinalaimi kehapirikau rapapate. Ane nodo nibabehi, ina Kuweikau katuwo maroa au bara mokahopoa, hurungina penangimi.

Pampetudungia 12:11

Halalunta au hampepepoinalai iti monangimohe Datu Tokadake. Menangihe hai kuasa wahena Ana Dimba au mate mohoremahe hangko i huku dosanda. Menangihe lawi mopangaku liliuhe ka Ana Dimbana Ampunda. Menangihe lawi kehapirihe rapopeahi-ahi ba rapapate, barahe mousuli hangko i pepoinalainda.

Ibarani 11:35

Anti pepoinalainda, arahe towawine au molambi hulehe ananda au matemi, lawi rapatuwoa sulehe. Agaiana ara worihe au rapopeahi-ahi duunda mate anti pepoinalainda. Agindami rapapate panehe mosapuaka Pue Ala, lawi mampeinaohe rapatuwo hule bona molambihe katuwo au meliu kamaroana.

Matiu 10:39

Hema au mokabaha peundeana haduduana hai meula Iriko kehapiri rapapate, ia ina molambi katuwo maroa au bara mokahopoa. Agaiana hema au mampeulai peundeana haduduana, bara ina molambi katuwo maroa au bara mokahopoa iti.