Lukasi 9:19 - Sura Malelaha

¹⁹ Rahanai, “Arahe au manguli Yohane Toperiu. Ara worihe au manguli nabi Elia. Ara worihe au manguli Oio hadua nabi hangkoia au tuwo hule.”

Lukasi 9:19 교차 참조

Yohane 1:21

Mekune mbulihe, “Ane nodo, hemariko? Ba nabi Eliako?” Nauli Yohane, “Bara.” Mekune mbulihe, rauli, “Ba oiomi nabi mahile au radandi hangkoia au rauli ina mai i dunia?” Nauli Yohane, “Bara wori iko.”

Markus 6:15

Agaiana ara wori au manguli, “Yesu iami nabi Elia.” Hai ara wori au manguli, “Ia hadua nabi, nodo nabi au hangkoia.”

Matiu 14:2

ido hai nauliangaahe topobagona, “Yesu iami Yohane Toperiu au tuwo hule hangko i kapate. Ido hai ara kuasaNa mobabehi tanda au metingkarai.”

Yohane 9:17

Hangko inditi, mekune mbulimohe i tobilo iti, rauli, “Ane oio, apa au nuuli, lawi Napakaohami matamu.” Nauli tobilo iti, “Manoto Ia hadua nabi.”

Yohane 7:40

Tauna bosa au mohadi lolitana Yesu, arahe hanggaa au manguli, “Ia mpuumi Nabi au nadandi Pue Ala hangkoia.”

Matiu 3:1

I tempo iti, maimi hadua tauna au rahanga Yohane Toperiu. Ia lao i pada wungi i tampo Yudea, hai mepongka mobambari Ngkorana Pue i tauna bosa,

Markus 6:14

I tempo iti, Datu Herode Antipas mohadi apa au nababehi Yesu, lawi tebambarimi hangaNa iumba-umba pea. Ara au manguli, “Yesu iami Yohane Toperiu au tuwo hule hangko i kapate! Ido hai ara kuasaNa mobabehi tanda kuasa au metingkarai.”

Lukasi 9:18

Hambela tempo, tangana Yesu mekakae haduduana, hawehe topeguruna Iria. Mekunemi Yesu irihira, Nauli, “Moula pangulinda tauna bosa, ide Iko hemaNa?”

Lukasi 9:20

Napekune mbulihe, Nauli, “Ane moula pelambiami, ide Iko, hemaNa?” Nahanai Peturu, “Oiomi Datu Topehompo au nadandi Pue Ala!”