Lukasi 8:44 - Sura Malelaha

⁴⁴ Maimi towawine iti mohungkuki Yesu hangko i taleu hai natobo wuntu baduNa. Kanapetobona, unga pea teompo wahena.

Lukasi 8:44 교차 참조

Suro 19:12

Kehapiri lencona ba komona pea raanti i tomahai, batenda maoha, hai meloho mpuuhe ope-ope seta au mampopeahi-ahihe.

Yohane 5:13

Agaiana bara naisa kahemana au mopakaoha, lawi Yesu padu ngkandii hai barapi raita i olonda tauna bosa.

Lukasi 13:13

Roo indo, Yesu motobo towawine iti. Unga pea manoto bengona, meangkami, hai liliu motoia Pue Ala.

Lukasi 7:38

Maimi towawine iti hungku-hungku i bitina Yesu. Ia moteria, pane mowurui bitina Yesu hai owai matana. Roo nodo, nabowohimi weluana napopoumpahi. Moangki wori bitina Yesu hai nalanaimi lana mawongi.

Markus 6:56

Iumba pea kalaoana Yesu, i boea mahile ba i boea au kokoi, moantihe ranganda au mahai rawoli i pobalu-balua, pane merapihe i Yesu bona Ia peisa ratobo, nauri wuntu baduNa pea. Hai ope-ope au motobo baduNa, liliu maoha mpuumohe.

Matiu 20:34

Maahi laluna Yesu moitahe, pane Napetobo matanda. Unga peahe meita, liliu meulahe Iria.

Matiu 8:3

Napetobomi Yesu tauna iti, Nauliangaa, “Kupokana. Maohamoko!” Tempo iti pea womi, maoha.

Suro 5:15

Ngkaia tanda kuasa au rababehi suro iti, ido hai bosa tomahai raanti hai rapopaturuhe i ale i wiwi rara. Rababehi nodo lawi raharunga ane Peturu moliu inditi, nau bao-baona pea kana watanda tomahai iti, batenda maoha.

Matiu 9:20

I tempo iti i tanga mpolumaonda, ara hadua towawine au hampulomi hai rompare mantodiha nahumba. Towawine iti lao mohungkuki Yesu hangko i taleu hai natobo wuntu baduNa,

Lukasi 8:43

I olonda tauna bosa iti, ara hadua towawine, au hampulomi hai rompare nahumba liliu, bara mengkangkaroo. Nauri bosami belana rapakulii, bara ara kamaohana.

Lukasi 8:45

Mekune Yesu, Nauli, “Hema au motoboNa?” Mesapuhe ope-ope au indo. Mewali nauli Peturu, “Guru, bosa gagahe tauna au motolelikike, mombeupi-upihe mogaguKo.”