Lukasi 8:41 - Sura Malelaha

⁴¹ Mai worimi hadua tadulako sou penombaa i boea iti, hangana Yairus. Kamoitana Yesu, molingkudumi i lindoNa merapi bona Yesu lao i souna,

Lukasi 8:41 교차 참조

Suro 18:8

Ara hadua tadulako i sou penombaa au hungku i souna Titius, hangana Krispus. Ia hai ope-ope au ara i souna mepoinalai i Pue Yesu. Hai bosa wori to Korintu au mohadi bambari au napahawe Paulu, alana mepoinalaihe hai rariumohe.

Suro 13:15

To Yahudi au teruhu inditi mobasahe hangko i Sura Aturana Musa hai hangko i Suranda Nabi. Roo indo, tadulako sou penombaa motudu bahangkia tauna lao mekune i Baranaba hai Paulu, rauli, “Halalu, ane ara lolitami au nipeinao nipaturoangkai, peisatokau mololita.”

Lukasi 13:14

Agaiana inditi ara hadua tadulako sou penombaa au koi inaona moita Yesu mopakaoha tauna i Alo Pengkarooangaa. Ido hai nauli i tauna bosa, “Ini alona, peisake mobago. I alo-alo iti, peisakau mai mampopepakaoha, inee i Alo Pengkarooangaa!”

Lukasi 8:49

Tangana mani Yesu mololita, hawemi hadua suro hangko i souna Yairus au mouliangaa Yairus, “Tua, anamu matemi. Ineemoko mopakasusa Guru.”

Pampetudungia 5:8

KaNaalana sura iti, pinatuwo hai totosae au rompulo hai iba molingkudumohe motumpa i lindona Ana Dimba. Ope-opehe mokingki kecapi hai mangko bulawa au buke hai anu-anu mawongi au rauli dupa. Dupa iti, lempona pekakaenda taunana Pue Ala.

Suro 18:17

I tabangaa sou pobotusia iti, tauna bosa mohakahe Sostenes, tadulako sou penombaa, hai rapapahai. Agaiana babehianda iti bara nahaile Galio.

Suro 9:38

Lawi wanua Yope bara karao hangko i wanua Lida, ido hai topepoinalai i Yope mohadihe kaarana Peturu i wanua Lida. Ratudumi rodua tauna lao i Peturu merapi bona hoholiga mai i Yope.

Lukasi 17:16

Ia molingkudu motumpa i lindona Pue Yesu hai manguli ngkaia kamaroana Iria. Tauna iti iami hadua to Samaria.

Lukasi 5:8

Tingkarami Simo Peturu hai ope-ope tauna au hihimbela hai ia moita kangkaiana ikane au ara i lalu dalanda. Ido hai molingkudumi Peturu i lindona Yesu, nauli, “Pue, ineena Nuhungkuki lawi ide iko tomadosana.”

Yohane 11:21

Nauli Marta i Yesu, “Pue, ane keindeKo i kamahaina adingku, kebara mate.

Lukasi 8:42

lawi anana au towawine mahai hai ina matemi. Anana iti iami ana sadudua, tinuwuna hampulomi hai rompare. Laomi Yesu monontohi souna Yairus, hai i tanga rara bosa mpuuhe tauna au moupi-upi Yesu, duuna barapi peisa mokale.