Lukasi 8:35 - Sura Malelaha

³⁵ Roo indo, lao mpuumohe ampu boea bona moitahe apa au mewali. Kahawenda i Yesu, raitami tauna au napesuangi seta inona, mohuda nodo tauna biasa i holana Yesu, mebadu hai manotomi pekirina. Ido hai langamohe.

Lukasi 8:35 교차 참조

Lukasi 10:39

Ara wori hadua halaluna Marta au towawine, hangana Maria. Maria iti mohuda i lindona Yesu hai mampehadingi liliu lolitaNa.

1 Yohane 3:8

Tauna au mobabehi liliu dosa, napoanahe Datu Tokadake. Lawi Datu Tokadake madosami hangko i nguru-nguruna. Mewali, tunggaiana Anana Pue Ala mai i dunia bona mogero bagona Datu Tokadake iti.

Suro 22:3

“Iko to Yahudina. Boea karapoanakangku, Tarsus i tampo Kilikia, agaiana hangko koi-koi peamona maidamona inde, i Yerusale. Mosikolana inde, napaguru maroana hadua guru au rabila ntepuu, hangana Gamaliel. Napaturo ntepuuna ope-ope atura au naweihe Musa i toiorunta hangkoia hai madotana mampeulai ope-ope aturana Pue Ala, nodo ikamu.

Lukasi 8:27

I pendauluna Yesu hangko i duanga lao i lorena, maimi hadua tobalilo ampu boea iti mampohidupaa Yesu; tauna iti mahaemi napesuangi bosa seta. Mahaemi bara mehampi, hai barapi maida i sou, maida pearai i talumba.

Lukasi 15:17

Kahopoana, mokatuinaomi umana, hai nauli laluna, ‘I souna umangku, mogalorihe topobago, melabi-labi paandenda, agaiana iko, ina mateohomona inde.

Lukasi 2:46

Talumi alona rahaoki, hangko ralambiri i Souna Pue Ala. Yesu tangana mohuda i olonda guru-guru agama, mampehadingi lolitanda hai mekune-kune wori irihira.

Markus 5:15

Kahawenda i Yesu, moitahe tauna au napesuangi isabuna tokadake inona, mohudami nodo biasa, mebadu, hai manotomi pekirina. Ido hai langamohe.

Matiu 4:24

Pobagona Yesu tebambari i ope-ope boea i tampo Siria, alana bosa tauna au mai mampeinaohe mohidupa hai Ia. Tauna iti moantihe ranganda ba halalunda au mantodiha ngkaia pakana hakinda hai kaparinda, au napesuangi seta, au mohaki dungka, hai au palu. Yesu mopakaohahe ope-ope.

Lukasi 8:34

Karaitana tauna au mokampai boe apa au mewali iti, melangkamohe lao i boea hai i bonde au hungku mopahawe i ranganda apa au raita.