Lukasi 8:25 - Sura Malelaha

²⁵ Hangko inditi, naulimi Yesu i topeguruNa, “Moapari hai baraNa nipoinalai?” Tingkara hai langamohe. Mololitahe hadua hai hadua, rauli, “Hemari tauna ide! Mogalo himburu hai balumba moula hawaNa!”

Lukasi 8:25 교차 참조

Matiu 8:26

Nauliangaahe Yesu, “Moapari hai langakau? Ikamu ide makura gaga pepoinalaimi.” Mearomi Yesu, liliu mokambaroa himburu hai balumba i rano. Unga pea lene rano.

Matiu 14:31

Naonami Yesu taieNa mohintaki Peturu, Nauliangaa, “Makura mani pepoinalaimu! Moapa hai bata-bata mani lalumu?”

Yohane 11:40

Nauli Yesu i Marta, “Bara pae Kuuliangaamoko inona, ane nupoinalaiNa, ina nuita mpuu kamahilena kuasana Pue Ala?”

Lukasi 12:28

Mewali, ane Pue Ala mampoperae hehi i pada au tuwo alo ide hai rahuwe kahalo, apa mani ikamu! Meliu pekadipurana Pue Ala irikamu. Mewali, moapari hai bara niharunga pekadipuraNa iti?

Matiu 17:20

Nahanaihe Yesu, “Nodomi, lawi makura mani pepoinalaimi. Tou mpuu au Kuuliangaakau ide: ane arami pepoinalaimi nauri kokoi pea nodo lihu hahawi, ope-ope peisa mewali. Peisakau mouliangaa bulu iti: ‘Melimbako hangko inditi!’ hai batena melimba.

Matiu 6:30

Mewali, ane Pue Ala mampoperae hehi i pada au tuwo alo ide, hai rahuwe kahalo, apa mani ikamu? Meliu pekadipurana Pue Ala irikamu. Moapari hai bara niharunga pekadipuraNa?

Matiu 8:10

Tingkarami Yesu mohadi lolitana tadulako surodado iti. Ido hai Napembalilingihe au meula Iria, Nauli, “Mahile mpuu pepoinalaina tauna ide! Kehapiri i to Isaraeli, bara mani ara hadua Kuhumba au mahile pepoinalaina nodo tauna ide au bara to Yahudi.

Markus 4:35

Kalumbami, mololitami Yesu i topeguruNa, Nauli, “Laomoke ntanda i orupena rano.”

Lukasi 8:24

TopeguruNa Yesu laohe morua Yesu, rauliangaa, “Guru! Guru! Tulungingkai. Ina marugike!” Mearomi Yesu, liliu mokambaroa himburu hai balumba, alana mengkaroo mpuu himburu, hai unga pea lene rano.

Lukasi 8:26

Hangko inditi, mopaliliumohe poduanganda duunda hawe i tampo Gerasa au ara ntanda i orupena tampo Galilea.