Lukasi 8:21 - Sura Malelaha

²¹ Agaiana nauli Yesu, “Hema-hema au mampehadingi hai mampeulai Ngkorana Pue Ala, ihirami halaluNgku hai ihirami inaNgku.”

Lukasi 8:21 교차 참조

Yakobu 1:22

Mewali, ane mohadikau Ngkorana Pue, hangangaa nipeulai. Inee nipehadingi mbero pea. Lawi ane nodo, mopakanawomokau watami haduduami.

Yohane 13:17

Ane niisa hai nipeulai paturo ide, ina morasikau.

3 Yohane 1:11

Halalungku! Ineeko mampeulai babehia au kadake. Nupeulaimi babehia au maroa. Tauna au mobabehi roa, tongawa kanapoanandami Pue Ala. Tauna au mobabehi dake, tongawa kadanda mani moisa Pue Ala.

1 Yohane 2:29

Niisato halalu, Kerisitu mobabehi peundeana Pue Ala. Ido hai niisa wori: ope-ope tauna au mobabehi peundeana Pue Ala, napoanahe Pue Ala.

2 Korintu 6:18

“Iko nipouma, hai ikamu, Kupoana.” Nodomi pangulina Pue Ala Au Makuasa.

Lukasi 8:15

Tinuda au manawo i tampo au marudu, lempona kamohadinda Ngkorana Pue Ala, liliu radoko i kanoto-notoana hai hangko i lalunda mpuu. Hai tou-tou mpuuhe mantaha i pampeulainda Ngkorana Pue Ala duuna mowua i lalu katuwonda.”

2 Korintu 5:16

Mewali, ido hai barapongkai mampeita tauna moula apa au raita i raoa. Hangkoia kiuli, Kerisitu manusia biasa pea, agaiana ide-ide barapi nodo pekiringki.

Yohane 20:17

Nauli Yesu i Maria, “IneeNa nukingki, lawi bara maniNa mengkaore lao i UmaNgku. Laomoko i halaluNgkuhe, nuuliangaahe ina laomona i UmaNgku hai Umamu wori, Pue AlaNgku hai Pue Ala au nipenombai.”

Matiu 25:40

Hai Iko Datu, Kuhanaihe, ‘Bona niisa, apa au nibabehi motulungi halaluNgku, nauri hadua pea halaluNgku au meahi-ahi katuwona, lempona, himbelami hai nibabehi Iriko.’

Matiu 17:5

Tangana mani Peturu mololita, unga pea hawe gawu au mewangka mobalungkuhihe, hai hangko i lalu gawu iti mohadihe hambua wotu au manguli, “Idemi AnaNgku au Kupokakaia hai au Kupokatana. Nipehadingi lolitaNa!”

Matiu 28:10

Yesu mouliangaahe, “Ineekau langa! Laomokau niuliangaahe halaluNgku bona laohe i Galilea, lawi ina raitaNa indolou.”

Matiu 25:45

Hai Iko Datu, Kuhanaihe, ‘Bona niisa, anti kadana nitulungi tauna au meahi-ahi tuwonda, lempona, Ikomi au bara nitulungi.’ ”

Lukasi 8:20

Ara hadua tauna au mololita i Yesu, nauli, “Guru, inaMu hai halaluMu, arahe i raoa mampeinao mampohidupaaKo.”