Lukasi 8:18 - Sura Malelaha

¹⁸ Ido hai Kuuliangaakau, nipehadingi maroa-roa Ngkorana Pue Ala. Lawi tauna au mampoinalai Ngkorana Pue Ala, rapakanoto lalunda bona tetambai apa au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.”

Lukasi 8:18 교차 참조

Matiu 13:12

Tauna au mampoinalai Ngkorana Pue Ala, rapakanoto lalunda bona katetetambaia au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.

Lukasi 19:26

Mehana datu, nauli, ‘Bona kuuliangaakau, hema au peisa rapoinalai i apa au rawei, ina rawei mbuli. Agaiana hema au bara peisa rapoinalai, nauri haodi pea au rawei, batena ina raala hule.’

Matiu 25:29

Lawi tauna au peisa rapoinalai hai apa au rawei, ina rawei mbuli bona tetambai. Agaiana tauna au bara peisa rapoinalai, nauri haodi pea au rawei, batena ina raala hule.

Yohane 15:2

Ope-ope daa au tuwo Iriko au bara mowua, Nakadiri. Hai ope-ope daa au tuwo Iriko au mowua, Napakabaa hai Nakadipura bona tetambai powuana.

Ibarani 2:1

Mewali, hangangaa tapamaroa-roa mpuu pampeulainta bambari au tou au tahadimi bona datike mopalehi pepoinalainta.

1 Korintu 14:37

Ane arahe tauna au manguli, “Molambina kapande mopahawe lolita hangko i Pue Ala,” ba “Molambina kapande hangko i Inao Malelaha,” tauna iti hangangaa mopangaku apa au kuuki ide iami parenta hangko i Pue.

1 Korintu 8:2

Ane hadua tauna manguli, “Mapandena, kuisa paturo au tou,” agaiana bara ara ahina, makura mani kamapandena.

1 Korintu 3:18

Ineekau mopakanawo watami haduduami. Ane ara hadua tauna i olomi au mengkamapande i lindo manusia, agina tauna iti mewali nodo tontuli i lindo manusia bona ia mewali mapande i lindona Pue Ala.

Roma 12:3

Anti kabulana laluna Pue Ala, Nawatimona mewali suroNa, ido hai kuweikau lolita ide: ineeke mampemahile. Ineekau mampekiri apa au bara hintoto nipekiri, agaiana nipekiri pea apa au hintoto moula apa au Nakiraiaamoke Pue Ala hadua-hadua, moula hokana pepoinalainta.

Suro 17:11

Tauna i Berea iti maroa lalunda, bara nodo au i Tesalonika, lawi mampehadingihe lolitanda Paulu hai Silas hangko i katanana lalunda. Alo-alona moparesahe Sura Malelaha bona raisa ba manoto lolitana Paulu ba bara.

Suro 10:33

Ido hai hoholiga kutudu hadua tauna lao mokakioko. Hai maroa mpuu lalumu, lawi maiko inde irikami. Ido hai teruhumongkai inde i lindona Pue Ala, lawi kipeinao mohadi ope-ope au natuduako Pue Ala nuuliangaangkai.”

Lukasi 9:44

“Nipehadingi maroa-roa lolitaNgku ide: Iko Ana Manusia, ina rahuhuNa i kuasa manusia au kadake.”

Pilipi 3:4

Ane kekuunde, peisa worina mampoinalai ada iti. Ane ara tauna au mouli rumihi poulanda ada au raita pea i raoa, pelumbunami iko!

Markus 13:14

“Hangkoia nabi Danieli mampololita kahawena hadua au rauli ‘Dake au Mepamaropu.’ (Hema au mobasa lolita ide, niparesa lempona!) Mewali, ane niita au natunggai Danieli iti meangka i paidaa au bara rapaliua napaidai, agina tauna au maida i Yudea melangkahe lao i bulu.