Lukasi 8:10 - Sura Malelaha

¹⁰ Nahanaihe Yesu, Nauli, “Hangkoia, tewuniangi mani paturo kana i poparentana Pue Ala. Ide-ide naweikau Pue Ala pekiri bona niisa lempona paturo iti. Agaiana tauna bosa, Kupaturohe hai ngkora pandiri bona lempona tewuniangi irihira. ‘Meitatohe, agaiana bara raisa lempona apa au raita. Mehaditohe, agaiana bara raisa tunggaiana apa au rahadi.’

Lukasi 8:10 교차 참조

Markus 4:11

Nauli Yesu, “Hangkoia, noumba poparentana Pue Ala i dunia tewuniangi mani. Ide-ide rapopaisaamokau, agaiana i tauna ntanina Kupahaweahe hai ngkora pandiri,

Matiu 11:25

I tempo iti, mekakaemi Yesu, nauli, “O Uma, Ampu langi hai tampo! KutoiaKo, lawi ope-ope au tewuniangi hangkoia, Nupopaisaamohe tauna au i woi tuwonda, agaiana Nuwuniangiahe tauna au mapangka posikolanda hai tauna au mapande,

Kolose 2:2

Tunggaiaku bona maroho lalumi hai mombepokaahikau, alana mohintuwukau hadua hai hadua. Peundeaku bona tongawa i lalumi tunggaiana Pue Ala au tewuniangi hangkoia hai bara bata-bata lalumi; tunggaiaNa iti bona moisakau Kerisitu.

Roma 16:25

Toiami Pue Ala! Lawi Iami au makuasa mopakaroho pepoinalaimi anti Ngkora Marasa au kupahaweakau bona niisa kahemana Yesu Kerisitu. Iatunami parena, tunggaiana Pue Ala iti bara raisa tauna.

Matiu 16:17

Nauli Yesu, “Simo anana Yunu, morasi mpuuko, lawi bara manusia au mampopaisaako iti, agaiana UmaNgkuri au ara i suruga.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

1 Korintu 12:11

Agaiana ope-ope iti nakiraiake Inao Malelaha au hadua pea. Iami au moweike kapande au montani-ntani moula peundeaNa haduduaNa.

Yohane 12:40

“Nauli Pue Ala: ‘Kupabilomohe, datihe meita. Kupamatua lalunda bona barahe moisa peundeaKu. Kahopoana barahe mesule Iriko, hai barahe Kuhorema.’ ”

Markus 4:12

bona tepabukei au teuki i lalu Sura Malelaha node: Raitato, agaiana bara raisa lempona apa au raita. Rahadito, agaiana bara raisa tunggaiana apa au rahadi. Mewali, barahe mesule i Pue Ala, hai dosanda bara teampungi.”