49 Ido hai mololitamohe tauna au maande sambela, hadua hai hadua, rauli, “Hemari tauna ide, pane Nabuku moampungi dosa?”
“Pebai mpuu tauna ide mololita nodo! Ia mopahimbela kuasaNa hai Pue Ala! Bara ara hadua tauna au peisa moampungi dosa, batena pea Pue Ala.”
Bahangkia guru agama mohadi lolitana Yesu iti. Nauli lalunda, “Kadake mpuu tauna ide. Ia mopahimbela kuasaNa hai Pue Ala!”
Hangko inditi, Yesu hai topeguruNa maandehe i souna Matiu. Tanganda maande, hawe worihe bosa toperuru asele hai tauna ntanina maande sambela hai ihira. Tauna iti raimbahe tauna au kadake.
