Lukasi 7:34 - Sura Malelaha

³⁴ KamaiNgku Ana Manusia, maenuNa anggoro hai maandeNa. Agaiana nisapuaka woriNa, niuli, ‘Peita! Topehioro, tomalangu, ranganda toperuru asele hai tomadosa!’

Lukasi 7:34 교차 참조

Lukasi 15:2

Ara worihe toParisi hai guru-guru agama au moitahe. Mohume-humemohe, rauli, “Ae! Ia mohimada hai tomadosa, hai maandehe hihimbela!”

Yohane 12:2

KahaweNa inditi, Ia raposusai tauna bosa, lawi matanahe modoko Yesu i boeanda. Marta morora torare, hai Lasaru ara hihimbela hai Yesu hai tauna ntanina au ara indo.

Lukasi 19:7

Karaitana tauna bosa apa au mewali iti, mohume-humemohe, rauli, “Ae, moapari pane Ia mesonda i souna tomadosa?”

Lukasi 14:1

Hambela tempo i Alo Pengkarooangaa, Yesu lao maande i souna hadua tadulakonda toParisi. Tangana i sou iti, bosa tauna mokamata lawi mohaokihe kamanawoNa.

Lukasi 7:36

Ara hadua toParisi, hangana Simo, au mokakio Yesu maande i souna. Lao mpuumi Yesu i souna. I tempo iti, mohudahe lawi ina maande.

Lukasi 5:29

Roo indo, Lewi mamposusai mahile Yesu i souna, hai arahe bosa toperuru asele hai tauna ntanina au rakakio maande sambela hai ihira.

Matiu 9:11

Arahe toParisi au moita iti. Ido hai rapekune i topeguruna Yesu, rauli, “Moapari hai gurumi maande sambela hai toperuru asele hai tomadosa?”

Yohane 2:2

Yesu hai topeguruNa rakakio worihe lao i posusa iti.

Lukasi 11:37

Karoona Yesu mololita, ara hadua toParisi au mokakio lao maande i souna. Mewali lao mpuumin Yesu maande.

Matiu 5:46

Ane mampokaahi peakau tauna au mampokaahikau, babehiami iti barakau ina nahurungia Pue Ala. Mogalori toperuru asele au niimba nodo topodongko, maahihe i tauna au mampokaahihe.

Matiu 11:19

KamaiNgku Ana Manusia, maenuNa anggoro hai maandeNa. Agaiana nisapuaka woriNa, niuli, ‘Peita! Topehioro, tomalangu, ranganda toperuru asele hai tomadosa!’ Agaiana nauri nodo, kamanotona rarana Pue Ala tongawa i lalu katuwonda tauna au mampeulai peundeaNa.”

Lukasi 7:33

Lempona: Yohane Toperiu bara niunde. Iko wori, baraNa niunde. Kamaina Yohane, ia mopuasa hai bara moenu anggoro. Nisapuaka liliu, niuli node, ‘Ia napesuangi seta!’

Lukasi 7:35

Agaiana nauri nodo, kamanotona rarana Pue Ala tongawa i lalu katuwonda tauna au mampeulai peundeaNa.”