Lukasi 7:28 - Sura Malelaha

²⁸ Hai nauli mbuli Yesu, “Pehadingi maroa: hangko i ope-ope tauna au rapoanaka i lalu dunia ide, bara ara hadua au meliu kamahilena tuwona hangko i Yohane. Agaiana i poparentana Pue Ala mogalori tauna au tepakoi tuwona, mahile tuwona pane Yohane. Mewali mepongka ide-ide, morasihe tauna au mengkoru i Pue Ala.”

Lukasi 7:28 교차 참조

Matiu 11:11

Nauli mbuli Yesu, “Bona niisa, hangko i ope-ope tauna au rapoanaka i dunia ide, bara ara hadua au meliu kamahilena tuwona hangko i Yohane Toperiu. Agaiana mepongka ide-ide, morasi mpuuhe tauna au mengkoru i Pue Ala. Mogalori hadua tauna au tepakoi tuwona i lalu poparentana Pue Ala, mahile tuwona pane Yohane.

Lukasi 9:48

hai Nauliangaahe, “Hema au modoko hai au motulungi anangkoi ide anti peulana Iriko, lempona Ikomi au nadoko. Hai hema au modokoNa, bara Iko pea au nadoko, agaiana modoko wori Pue Ala au motuduNa. Hema au mengkaiwoi, iami au mahile tuwona.”

Lukasi 3:16

Mololitami Yohane, nauli, “Ane iko, kuriu peakau hai owai. Agaiana ara hadua au ina mai au meliu kuasaNa hangko iriko. Mogalorina mokakahi pekapu kandupaNa, barana hintoto. Ia au ina moriukau hai Inao Malelaha hai api.

Matiu 3:1

I tempo iti, maimi hadua tauna au rahanga Yohane Toperiu. Ia lao i pada wungi i tampo Yudea, hai mepongka mobambari Ngkorana Pue i tauna bosa,

Lukasi 7:27

Lawi Yohane iti au natunggai i lalu Sura Malelaha hangkoia. Nauli Pue Ala i AnaNa, ‘Idemi suroNgku au ina Kutudu moioru hangko Irio, bona mopasilolonga raraMu.’ ”

Lukasi 7:29

Lolitana Yesu iti rahadi ope-ope tauna, tepesua toperuru asele. Tauna bosa iti mampokanamohe ope-ope tunggaiana Pue Ala, lawi roomohe mampoperiu i Yohane.