Lukasi 6:37 - Sura Malelaha

³⁷ “Ineekau mosalai hangka rangami dati worikau nasalai Pue Ala. Inee niuli tauna ntanina au masala hangangaa rahuku, hai ikamu bara worikau ina nahuku Pue Ala. Niampungi kamasalana rangami, bona naampungi worikau Pue Ala.

Lukasi 6:37 교차 참조

Epesu 4:32

Hangangaa maroa lalumi, mampokaahikau rangami, hai niampungi salana hangka rangami, nodo Pue Ala moampungi salami anti pohintuwumi hai Kerisitu.

Yakobu 5:9

Halalu, ineekau mohume-hume hai mombesasalai datikau narumpa pehuku. Lawi ara hadua topebotusi au hungkumi, hai barapi mahae ina hawemi!

Markus 11:25

Ane mekakaekau hai ara mani rangami au mopakoi inaomi, niampungi hampai bona Umami au ara i suruga moampungi wori salami.

Kolose 3:13

Hangangaa sabarakau i poantinda hangka rangami. Niampungi rangami au masala irikamu. Nodo Pue moampungi salanta, ikita wori hangangaa moampungike ranganta au masala irikita.

Matiu 5:7

Morasihe tauna au mampokaahi hangka ranganda, lawi Pue Ala ina mampokaahihe.

Matiu 18:30

Agaiana bara napoinalai pamperapina iti. Napopesua pea i lalu tarunggu duuna tebaiari ope-ope indana.

Lukasi 6:36

Kamaahimi hangangaa nodo kamaahina Umami i suruga.”

Lukasi 23:16

Mewali, ina kuhepe-hepe peami hai pekandangi au modui roo indo, kukabaha.”

Suro 3:13

Pue Ala au rapenombai toiorunta hangkoia, au rapenombai Burahima, Isaki hai Yako, Pue Ala itimi au mopakahile TuduaNa, iami Yesu. Halalu-halalu, Yesu iti au nihuhu i topoparenta, hai au nisapuakami i lindona Pilatu i tempona ina nakabaha.

Yakobu 2:13

Lawi hema au bara ara kamaahina i rangana ina rahuku, hai i karahukuna iti, bara ina ara kamaahina Pue Ala iria. Agaiana tauna au ara kamaahina i rangana, Pue Ala ina motudungia kamaahiNa iria i alo pebotusi.