Lukasi 6:29 - Sura Malelaha

²⁹ Ane pandirina ara tauna au mohapa kalimpimi hambali, inee nihurungi. Niwei wori kalimpimi au hambali. Ane ara au moala komomi, niwei wori badumi.

Lukasi 6:29 교차 참조

Ibarani 10:34

Maahi lalumi i tauna au ratarunggu anti peulanda i Pue Yesu. Ane anu-anumi rarampaki, bara nipokaehua. Agaiana batemi matana, lawi niisa kaarana au rapasilolongaakau i suruga au meliu kamaroana hai au bara mokahopoa.

2 Korintu 11:20

Ane arahe guru au mampohawikau, nidokohe. Ane arahe au mopakanawokau hai mobagiukau, nidokohe. Ane arahe au mampemahile hai mohapakau, nitodiha pea.

1 Korintu 6:7

Ineekau moanti kara-karami i tauna au bara to Sarani. Ane ara posisisalami, mepakaea mpuu, lawi iti mopakanoto kadami mobabehi apa au hintoto i peitana Pue Yesu. Katouana, ane ara au mopakanawokau ba mopakarugikau, aginamokau molambi rugi, pane nipahawe kara-kara iti i hadua topebotusi au bara to Sarani.

Yohane 18:22

Kanaulina Yesu nodo, hadua topekampai au meangka i holaNa mohapa lindoNa Yesu, nauli, “Bai mpuuKo mololita nodo i Tadulako Mpenomba Mahile!”

Matiu 26:67

Hangko inditi, arahe au motinuduhi lindoNa hai mopapahai wataNa. Ara worihe au mopapakoi: rabungkuhi mataNa, rahapa hai rauliangaa,

1 Korintu 4:11

Duuna ide-ide, bara handa paandeki, bara handa paenungki, bara handa hampiki. Rapopeahi-ahi liliungkai. Bara ara paidaangki au maroa.

Lukasi 22:64

Rabungkuhi matana, hai rauliangaa, “Ee nabi! Uli ba hema au mohapaKo!”

Suro 23:2

Tangana Paulu mololita nodo, Tadulako Mpenomba Mahile Ananias motuduhe tauna au i holana Paulu, mohapa humena Paulu.

Lukasi 6:30

Ane ara au mamperapi ba apa pea, niwei woia. Hai ane ara au moala ba apa-apa hangko irikamu, ineemi niperapi sule.