Lukasi 6:27 - Sura Malelaha

²⁷ “Agaiana ikamu au mampehadingi lolitaNgku, idemi hawaNgku: nipokaahi iwalimi, hai nibabehi au maroa i tauna au mokahihikau.

Lukasi 6:27 교차 참조

1 Tesalonika 5:15

Ane ara au mobabehi dake irikita, inee wori tahurungi hai dake. Agina mobabehi liliuke au maroa i ranganta hai i ope-ope tauna.

Lukasi 6:35

Inee nodo babehiami! Hangangaa nipokaahi iwalimi, hai hangangaa nibabehi au maroa irihira. Ane ara tauna au mampeinao mebolo irikamu, niwei woia hai inee niharunga pesulena. Ane nibabehi nodo, ngkaia pewati ina naweikau Pue Ala, hai ina raimbakau anaNa, lawi nodomi kamaroana laluna Pue Ala i tauna au kadake hai i tauna au bara raisa manguli ngkaia kamaroana Iria.

Galatia 6:10

Ido hai, liana mani ara loga au raweike, hangangaa mobabehike apa au maroa i ope-ope tauna, pelumbunami i halalunta hampepepoinalai.

Markus 4:24

Mololita mbuli Yesu, Nauli, “Nipailalu apa au nihadi ide. Lawi ane ngkaia au nihadi hai nipeulai, ngkaia wori au ina napakanotoakau Pue Ala, ba melumbuto mani hangko inditi.

Suro 10:38

Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

Suro 7:60

Roo indo, molingkudumi, hai mololita masisimbuku, nauli, “Pue, ineehe Nuhuku anti dosanda ide.” Karoona mololita nodo, matemi.

Lukasi 23:34

Yesu mekakae, Nauli, “Uma, Nuampungi wohiraia tauna ide, lawi bara raisa apa au rababehi.” Surodado au mopaku Yesu motendemohe dadu bona mopakanoto kahemana au molambi hampiNa.

Lukasi 8:18

Ido hai Kuuliangaakau, nipehadingi maroa-roa Ngkorana Pue Ala. Lawi tauna au mampoinalai Ngkorana Pue Ala, rapakanoto lalunda bona tetambai apa au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.”

Lukasi 8:15

Tinuda au manawo i tampo au marudu, lempona kamohadinda Ngkorana Pue Ala, liliu radoko i kanoto-notoana hai hangko i lalunda mpuu. Hai tou-tou mpuuhe mantaha i pampeulainda Ngkorana Pue Ala duuna mowua i lalu katuwonda.”

Lukasi 8:8

Ara wori tinuda au manawo i tampo au marudu. Tinuda iti tuwo maroa alana mowua hangatu belana kangkaiana.” Roo Yesu mopahawe ngkora pandiri iti, mololita Nauli, “Hema au motalinga, napehadingi maroa!”

Lukasi 6:22

Morasikau au rakahihi, au barakau rapohintuwua, rakakabosai hai rasalai tauna anti peulami Iriko Ana Manusia.

3 Yohane 1:11

Halalungku! Ineeko mampeulai babehia au kadake. Nupeulaimi babehia au maroa. Tauna au mobabehi roa, tongawa kanapoanandami Pue Ala. Tauna au mobabehi dake, tongawa kadanda mani moisa Pue Ala.

Suro 16:28

Agaiana nakambaroa Paulu masisimbuku hangko i lalu tarunggu, nauli, “Ineeko menoo, indetongkai ope-ope!”