Lukasi 5:8 - Sura Malelaha

^8-9 Tingkarami Simo Peturu hai ope-ope tauna au hihimbela hai ia moita kangkaiana ikane au ara i lalu dalanda. Ido hai molingkudumi Peturu i lindona Yesu, nauli, “Pue, ineena Nuhungkuki lawi ide iko tomadosana.”

Lukasi 5:8 교차 참조

Pampetudungia 1:17

KakuitaNa, liliu tepalumbana i bitiNa, nodomona mate. Hangko inditi, Naonami taie koanaNa i watangku hai Nauliangaana, “Ineeko langa. Ikomi au pepongkana hai au kahopoana.

Matiu 17:6

Karahadina topeguruNa wotu iti, madampamohe lawi rumihi kalanganda.

Yohane 11:32

Hawemi Maria i pengkarooangaana Yesu inona, moitami Yesu hai laomi molingkudu i lindoNa, nauliangaa, “Pue, ane keindeKo i tempo iti, adingku kebara ina mate.”

Matiu 8:8

Nahanai tadulako surodado iti, “Barana hintoto Nusondaki. Kehapiri hantepo pea lolitaMu Nuuli, hangangaa maoha hawingku.

Matiu 2:11

Kahawenda, mesuamohe i lalu sou, hai liliuhe moita Anangkoi iti hihimbela hai Maria inaNa. Motumpamohe menomba Iria. Roo indo, mobungkahimohe pambolia anu-anunda, hai mohuhuhe popenombanda Iria. Popenombanda iti iami bulawa hai anu-anu mawongi au masuli nodo dupa hai mur.

1 Korintu 13:12

Lawi ide-ide, nodoke hadua tauna au mampeita hambua lengge i pampewaoa au mogawu-gawu, lawi bara mani taisa hinangkana i katou-touana. I alo au ina mai, hangko taisari hinangkana, lawi ina mampombelindoamoke Pue Ala hai ina taita i katongawaana. Ide-ide, makura mani kamapandeku. Agaiana i alo au ina mai, ina kuisa ntepuu hinangkana, nodo Pue Ala moisana.

Lukasi 5:7

Mokawemohe ranganda au ara i duanga ntanina bona maihe medurei. Mai mpuumohe, hai roogu duanga iti raihii ikane duuna ina tirimi anti kamantimina.