Lukasi 4:41 - Sura Malelaha

⁴¹ Hai ngkaia wori seta au napopeloho Yesu hangko i tauna au napesuangi. Seta au Napopelohohe iti, monganga-ngangahe, rauli, “Kiisami, kaOiona Anana Pue Ala!” Agaiana seta iti nakontohe Yesu. Barahe Napaliu mololita, lawi moisa mpuuhe kaIana Datu Topehompo.

Lukasi 4:41 교차 참조

Markus 1:34

Bosa tauna au Napakaoha hangko i hakinda au mampopengaa. Ngkaia wori tokadake au mesua i tauna napopeloho Yesu; barahe Napaliu mololita, lawi raisa mpuu kahemana Yesu.

Yakobu 2:19

Ba nipoinalai hadua pea Pue Ala? Tou mpuu diti. Agaiana ane noiti pea, bara handa! Lawi mogalorihe seta, mampoinalai worihe kahaduana pea Pue Ala. Ido hai moradahe anti kalanganda.

Yohane 20:31

Agaiana apa au kuuki ide, kuuki bona nipoinalai kaYesunami Datu Topehompo, Anana Pue Ala, hai bona molambikau katuwo maroa au bara mokahopoa hangko i pepoinalaimi Iria.

Markus 3:11

Hawe worihe tauna au napesuangi tokadake. Kamoitanda Yesu, liliuhe molingkudu i lindoNa, hai monganga-ngangahe, rauli, “Oio AnanaKo Pue Ala!”

Matiu 4:3

I tempo iti, hawemi Datu Tokadake mouliangaa, “Ane tou-tou AnanaKo Pue Ala, Nutuduhe watu ide mewali roti!”

Matiu 26:63

Agaiana Yesu, bara mehana. Nauli mbuli Tadulako Mpenomba Mahile Iria, “I lalu hangana Pue Ala au tuwo, uliangaangkai au manoto! Ba tou mpuu Oiomi Datu Topehompo, Anana Pue Ala?”

Matiu 8:29

Monganga-ngangahe seta au mampesuangi tauna iti, rauli, “Anana Pue Ala! Moapari hai maiKo? Ineengkai Nuhuku! Bara mani hawe tempona Nupakaparingkai.”

Markus 1:25

Agaiana nakambaroa Yesu, Nauli, “Mandiiko! Pelohomide hangko i tauna iti!”

Matiu 8:4

Roo indo, nauli mbuli Yesu iria, “Inee nupopololita i hema pea apa au mewali inona. Laomoko hampai nupetudungia watamu i tadulako mpenomba bona naita kamaohamumi, hai nuantimi popenombamu moula parenta au teuki i lalu Aturana Musa bona tongawa i ope-ope tauna kamaohamumi.”

Matiu 8:16

Kalumbami, bosa tauna mai i Yesu moanti ranganda hai halalunda au mahai hai au napesuangi seta. Yesu mampopeloho seta iti hai lolitaNa pea, hai tauna ntanina au mahai Napakaoha worihe.

Markus 1:32

Kalumbami, i katampuna alo, ope-ope tomahai hai au napesuangi tokadake raantimohe i Yesu.

Lukasi 4:39

Laomi Yesu meangka i hola paturuana towawine iti, Nauli, “Peloho haki!” Tou-tou mpuu maohami, mearo, hai liliu mororahe Yesu hai topeguruna.