Lukasi 4:35 - Sura Malelaha

³⁵ Agaiana nakambaroa Yesu, Nauli, “Mandiiko! Pelohomide hangko i tauna ide!” I lindonda tauna bosa, seta iti modungkami tauna au napesuangi hai padu, agaiana maroami tauna iti.

Lukasi 4:35 교차 참조

Lukasi 4:41

Hai ngkaia wori seta au napopeloho Yesu hangko i tauna au napesuangi. Seta au Napopelohohe iti, monganga-ngangahe, rauli, “Kiisami, kaOiona Anana Pue Ala!” Agaiana seta iti nakontohe Yesu. Barahe Napaliu mololita, lawi moisa mpuuhe kaIana Datu Topehompo.

Lukasi 4:39

Laomi Yesu meangka i hola paturuana towawine iti, Nauli, “Peloho haki!” Tou-tou mpuu maohami, mearo, hai liliu mororahe Yesu hai topeguruna.

Matiu 8:26

Nauliangaahe Yesu, “Moapari hai langakau? Ikamu ide makura gaga pepoinalaimi.” Mearomi Yesu, liliu mokambaroa himburu hai balumba i rano. Unga pea lene rano.

Pampetudungia 12:12

Ido hai matanamokau, ikamu au maida i suruga. Agaiana hurewumokau, ikamu au maida i humalele dunia, lawi Datu Tokadake mendaulumi lao irikamu. Rumihi kamasodona, lawi naisa, tempona barapi mahae.”

Lukasi 11:22

Agaiana ane mai hadua au meliu karohona, topokampai sou iti peisa naewa hai nanangi. Parewa pombeala au naharunga ampu sou iti, naala hai ope-ope ihi souna ina nakira-kiraahe rangana.

Lukasi 9:42

Tangana mani anangkoi iti molumao monontohi Yesu, madungka mbulimi hai morada-rada anti kanapesuangina seta. Agaiana Yesu mokambaroa tokadake iti, alana anangkoi iti maoha. Roo indo, nauli Yesu i umana, “Maimide ala ide anamu. Maohami.”

Lukasi 9:39

Ane napesuangi seta, monganga-nganga hai morada-rada, duuna mowire ngangana. Seta iti mampopeahi-ahi liliu anangku.

Lukasi 8:24

TopeguruNa Yesu laohe morua Yesu, rauliangaa, “Guru! Guru! Tulungingkai. Ina marugike!” Mearomi Yesu, liliu mokambaroa himburu hai balumba, alana mengkaroo mpuu himburu, hai unga pea lene rano.

Markus 9:26

Tokadake iti monganga-nganga, mampoporada-rada anangkoi iti, pane melohomi. I pelohona tokadake, anangkoi iti barapi mokale-kale, nodomi au mate, alanda bosa tauna manguli, “Matemi!”

Markus 1:26

Tokadake iti mampoporada-rada tauna iti, monganga-nganga hai meloho.

Matiu 17:18

Hangko inditi, Yesu mokambaroa seta au mopakasusa anangkoi iti. Moloho mpuumi seta iti. Pelohona seta iti, maoha mpuumi anangkoi iti.

Markus 4:39

Mearomi Yesu, liliu mokambaroa himburu hai balumba, Nauli, “Pengkaroo himburu! Tindamoko balumba!” Mengkaroo mpuumi himburu, hai unga pea lene rano.

Lukasi 4:23

Ido hai nauliangaahe Yesu, “Manoto arakau au ina mouliangaaNa node: ‘Ee sando, nupakaoha hampai watamu haduduamu! Ane tou-tou mpuuKo nabi, Nupopaitaangkai kuasaMu i boeaMu haduduaMu. Tanda kuasa au kihadi Nubabehi i boea Kapernaum, Nubabehi wori inde.’ ”