Lukasi 4:23 - Sura Malelaha

²³ Ido hai nauliangaahe Yesu, “Manoto arakau au ina mouliangaaNa node: ‘Ee sando, nupakaoha hampai watamu haduduamu! Ane tou-tou mpuuKo nabi, Nupopaitaangkai kuasaMu i boeaMu haduduaMu. Tanda kuasa au kihadi Nubabehi i boea Kapernaum, Nubabehi wori inde.’ ”

Lukasi 4:23 교차 참조

Markus 6:1

Roo indo, meangkami Yesu hihimbela hai topeguruNa hangko i boea Kapernaum, lao i boea karapakahileaNa.

Matiu 4:13

Roo indo, Napalehimi boea Nasare lao maida i boea Kapernaum. Kapernaum iti, boea au i wiwi rano Galilea, i tampo Sebulo hai Naptali.

2 Korintu 5:16

Mewali, ido hai barapongkai mampeita tauna moula apa au raita i raoa. Hangkoia kiuli, Kerisitu manusia biasa pea, agaiana ide-ide barapi nodo pekiringki.

Yohane 4:28

Roo indo, towawine iti mopalehimi gumbana, pane laomi i boea mouliangaahe tauna inditi,

Lukasi 6:42

Noumba pane peisa nuuliangaa rangamu: ‘Halalu, mai kuingihi pupu matamu,’ moleri rangka kau i matamu bara nuita? Ineeko mengkamaroa! Hangangaa nuingihi hampai rangka au ara i matamu, hangko manotori petotokimu moingihi pupu i matana rangamu.”

Lukasi 4:16

Laomi Yesu i Nasare, boea karapakahileaNa. Hai nodo biasana, Ia mesua i sou penombaa i alo Satu, alo Penombaanda to Yahudi. Meangkami bona mobasa Sura Malelaha,

Matiu 13:54

lao i boea karapakahileaNa. Inditi, Ia mepaturo i lalu sou penombaa. Tingkaramohe tauna au mampehadingi lolitaNa, rauli, “Hemari au mopaturo pane nodo kamapandeNa? Hai hangko iumba mai kuasaNa mobabehi tanda kuasa?

Matiu 4:23

Yesu molumao i humalele tampo Galilea hai mepaturo i ope-ope sou penombaa. Ia mopahawe Ngkora Marasa kana i poparentana Pue Ala, hai mopakaoha worihe ope-ope tauna au mahai hai au bara masilolonga watanda.

Lukasi 2:39

Karoonda Yusupu hai Maria mobabehi ope-ope atura moula Sura Aturana Musa, mesulemohe lao i boea Nasare i tampo Galilea.

Lukasi 2:51

Roo indo, lao sambelamohe i Nasare, hai Yesu mampeulai ope-ope hawanda. Ope-ope au mewali iti batena napailalu inaNa.

Lukasi 4:31

Roo indo, Yesu lao i boea Kapernaum i tampo Galilea. KahaweNa inditi, mepaturo i sou penombaa i Alo Pengkarooangaa.

Lukasi 4:35

Agaiana nakambaroa Yesu, Nauli, “Mandiiko! Pelohomide hangko i tauna ide!” I lindonda tauna bosa, seta iti modungkami tauna au napesuangi hai padu, agaiana maroami tauna iti.