Lukasi 3:8 - Sura Malelaha

⁸ Ane tou-tou menosokau hangko i dosami, nibabehimide babehia au maroa. Hai inee nauli lalumi: ‘Ikita ide, pemuleanake Burahima. Barake ina nahuku Pue Ala.’ Iti bara tou! Nipehadingi: ane naunde Pue Ala, pemuleana Burahima peisa Napopewali hangko i watu ide.

Lukasi 3:8 교차 참조

Suro 26:20

Ido hai kupahawe i ope-ope tauna, hangangaa mampenosoihe dosanda hai mengkoruhe i Pue Ala, hai hangangaa mobabehihe apa au maroa bona tongawa penosonda. Nguru-nguruna bambari iti kupahawe i wanua Damsik, roo indo i Yerusale hai i humalele tampo Yudea, hai i tauna ntanina au barahe to Yahudi.

Matiu 21:43

Nauli mbuli Yesu, “BaraNa nidoko nodo Datumi, ido hai bara worikau Nadoko Pue Ala mewali taunaNa. Kirami i lalu poparentana Pue Ala, ina raala hangko irikamu hai raweihe tauna ntanina au mampeulai hawana Pue Ala.

Pilipi 1:11

Mekakaena bona nibabehi liliu apa au manoto anti pobagona Yesu Kerisitu i lalu katuwomi, alana bosa tauna motoia hai mampomahile Pue Ala.

Roma 9:7

Hai i olonda pemuleana Burahima, barahe ope naimba Pue Ala anana Burahima. Lawi Pue Ala modandimi i Burahima, Nauli, “Batena pea pemuleana Isaki au ina raimba pemuleamu.”

Roma 4:16

Mewali, naimbake Pue Ala manoto i peitaNa anti pepoinalainta bona apa au nadandi Pue Ala iti tadoko mbero pea hangko i kabulaNa laluNa bona ope-ope pemuleana Burahima batena molambi apa au Nadandi. Dandina Pue Ala iti bara pea kiranda to Yahudi au moisa Aturana Musa. Agaiana mewali wori kiranda au mepoinalai i Pue Ala nodo Burahima. Lawi Burahima tapoumami ope-opeke.

Lukasi 19:40

Nahanai Yesu, Nauli, “Bara! Lawi ane mandiihe topeulaNgku, ope-ope watu ide ina monganga-ngangahe motoiaNa.”

Yohane 8:33

Mehanahe, rauli, “Ikami ide, pemuleanangkai Burahima! Barangkai hambela rapohawi. Moapari hai Nuuli ina tekabahangkai hangko i karapohawingki?”

Yohane 8:39

Rauli to Yahudi, “Umangki iami Burahima!” Nahanai Yesu, “Ane tou-tou ananakau Burahima, moapari bara nipeulai babehiana?

Matiu 3:8

Ane tou-tou menosokau hangko i dosami, nibabehimide babehia au maroa.

Matiu 3:9

Hai ineekau mampemahile, niuli, ‘Ikita ide, pemuleanake Burahima. Barake ina nahuku Pue Ala.’ Iti bara tou! Nipehadingi! Ane naunde Pue Ala, pemuleana Burahima peisa Napopewali hangko i watu ide.

Lukasi 5:21

Bahangkia guru agama hai toParisi mohadihe lolitana Yesu iti. Nauli lalunda, “Hemari tauna ide pane bai mopahimbela kuasaNa hai Pue Ala? Bara ara hadua au peisa moampungi dosa, batena pea Pue Ala!”

Lukasi 13:26

Ina niuli, ‘Ampu! Maande hai maenu sambelamongkai hai oio! Mepaturomoko i lalu boeangki!’

Lukasi 14:9

Ane nodo, ampu sou ina mouliangaako node: ‘Pelimba! Ia mohuda inde.’ Ina maeako melimba lao mohuda i taleu.

Lukasi 19:9

Nauli Yesu, “I alo ide, oio hai ope-ope tinamu tehoremamokau, lawi mepoinalaimokau i Pue Ala nodo Burahima toiorunta.