Lukasi 23:13 - Sura Malelaha

¹³ Hangko indo, Pilatu mogulu mbulimi ope-ope kapala tadulako mpenomba hai totosae boea hai tauna bosa,

Lukasi 23:13 교차 참조

Yohane 18:38

Nahanai Pilatu, “Apari lempona lolitaMu au manguli ‘apa au tou’?” Roo indo, lao mbulimi Pilatu i raoa mouliangaahe tadulakonda to Yahudi, “Nauri hampaka salaNa, bara ara kulambi.

Markus 15:14

Mekune Pilatu, nauli, “Dake apari au Nababehi?” Agaiana monganga-ngangahe “Papate i kau mombehape!”

Yohane 19:4

Hangko inditi, mesuwu mbulimi Pilatu lao i raoa, mouliangaahe tadulakonda to Yahudi, “Peita, kuanti mai irikamu bona niisa kadana kulambi salaNa nauri hampaka.”

Lukasi 23:35

Bosa tauna meangka i woi kau mombehape mampengoa Yesu. Ara worihe tadulakonda to Yahudi au mopapakoi Ia, rauli, “Peita! Ia motulungi tauna ntanina, agaiana wataNa bara Nabuku Natulungi. Ane tou-tou mpuu kaIana Datu Topehompo au napilei Pue Ala, hangangaa mendaulu hangko i kau mombehape iti!”

Lukasi 24:20

Kapala-kapala tadulako mpenomba hai totosaengki i boea mohuhu Ia i topoparenta bona rahuku mate. Ido hai Yesu rapakumi i kau mombehape.

Yohane 3:1

Ara hadua au rahanga Nikodemus. Nikodemus iti iami toParisi hai tadulako agama Yahudi.

Yohane 7:26

Peita, olouto mepaturo hai bara ara kalangaNa, hai bara ara au mokambaroa. Inee mpuu pae raisami tadulakonta kaIana Datu Topehompo?

Yohane 7:48

Peita ane ara hadua tadulakonta ba toParisi au mepoinalai i Yesu!

Yohane 12:42

Nauri nodo, ara worihe bosa tadulakonda to Yahudi au mepoinalai i Yesu. Agaiana i lalunda pea mepoinalai, lawi mampokalangahe toParisi; langahe ina barapohe rapaliu mesua i sou penombaa.

Suro 3:17

Halalu-halalu, ikamu hai tadulakonta au mopapatemokau Yesu. Agaiana kuisa, apa au nibabehi iti, nibabehi anti kadana niisa lempona.

Suro 4:5

Kahalona, tadulako agama, tadulakonda to Yahudi hai guru-guru agama teruhumohe mogombo i Yerusale.

Suro 4:8

I tempo iti, Peturu nakuasai Inao Malelaha, hai mololitami, nauli, “Uma-uma, tadulakonda tauna bosa hai tadulako agama!

Suro 13:27

Lawi ampu wanua Yerusale hai tadulakonda, barahe moisa kahemana Yesu iti. Barahe moisa lempona lolitanda nabi-nabi au rabasa i alo-alo Penombaa. Ido hai mohuku matehe Yesu. Agaiana apa au rababehi iti mewali bona tepabukei apa au rauli nabi-nabi hangkoia.