Lukasi 22:61 - Sura Malelaha

⁶¹ hai membalilimi Pue Yesu mototoki Peturu. I tempo iti, nakatuinaomi Peturu lolitana Pue Yesu au mouliangaa, “Hangko damani motuturua manu, talumi belaNgku nusapuaka.”

Lukasi 22:61 교차 참조

Lukasi 22:34

Nauli Yesu, “Peturu, Kuuliangaako: wengi ide, hangko damani motuturua manu, talumi belana nusapuaka kanuisaNgku.”

Pampetudungia 2:5

Ido hai Kuuliangaakau: nipehadingi! Manawomokau i lalu dosa. Mewali, hangangaa menosokau! Nibabehimide apa au nibabehi nguru-nguruna. Lawi ane bara nibabehi nodo, i kahaweNgku deade, ina Kuingihi pambolia hulomi hangko i paidaana.

Epesu 2:11

Mewali, halalu au barakau to Yahudi, nikatuinao noumba katuwomi hangkoia. Ikamu, rauli to Yahudi: “tauna au bara ratile.” Hai to Yahudi iamohe: “tauna au ratile” lawi ratilehe moula ada agamanda, mewali rauli ihira pea taunana Pue Ala. Agaiana ada mpetile iti, iami ada au rababehi pea tauna mewali tanda i watanda.

Suro 5:31

hai Napopohuda ntanda i koanaNa. Naweimi kuasa mewali Tadulako hai Topehorema bona to Isaraeli menosohe hangko i dosanda hai molambihe peampungi.

Yohane 13:38

Nauli Yesu, “Pebai mpuuko pae mate anti peulamu Iriko? Tou lolitaNgku ide: Bona nuisa, hangko damani motuturua manu wengi ide, talumi belana nusapuakaNa.”

Lukasi 10:41

Nauli Pue Yesu, “Marta, Marta! Inee karao inaomu, hai inee mampopengaa nupekiri.

Lukasi 7:13

Kanaitana Pue Yesu towawine iti, maahimi laluNa, hai Nauliangaa, “Ineemoko moteria!”

Markus 5:30

I tempo iti wori, nahadi Yesu ara kuasa au mesuwu hangko Iria. Membalilimi i tauna bosa hai mekune, Nauli, “Hema au motobo baduNgku?”

Matiu 26:75

Nakatuinaomi Peturu lolitana Yesu au mouliangaa, “Hangko damani motuturua manu, talumi belaNgku nusapuaka.” Padumi Peturu lao i raoa, hai moteriami monggoro-nggoro lawi masusa laluna.

Matiu 26:34

Nauli Yesu, “Kuuliangaako, wengi ide hangko damani motuturua manu, talumi belana nusapuakaNa.”

Lukasi 7:19

nauliangaahe, “Laomokau i Yesu hai niuliangaa, ‘Ba Oio mpuumi Datu Topehompo au nadandi Pue Ala? Ba ara mani au ntanina kipegia?’ ”

Lukasi 22:60

Nahanai Peturu, “Bara mpuu kuisa apa au nuuli!” Tangana mani mololita, motuturuami manu,

Lukasi 22:62

Padumi Peturu lao i raoa, hai moteria monggoro-nggoro lawi masusa laluna.