6 Napokanami Yudasi lolitanda, hai nahaokimi katepaka au maroa mohuhu Yesu irihira bona rahaka i tempona bara raisa tauna bosa.
Rauli, “Agaiana inee tahaka i tempo alo mahile bona dati ara pohiho i olonda tauna bosa.”
Agaiana rauli wori, “Inee hampai tahaka i alo mahile dati ara pohiho i olonda tauna bosa.”
Matanahe mohadi tunggaiana iti, hai radandia ina rawei doi.
Hawemi alo pepongkana Posusa Roti au Bara Raragii, hai moula ada agamanda to Yahudi, hambaa dimba hangangaa rasambale i alo iti bona raande i Posusa Pasa.
