Lukasi 22:50 - Sura Malelaha

⁵⁰ Roo indo, hadua hangko i topeguruNa mowuka pihona mobata hawina Tadulako Mpenomba Mahile, kana talinga koanana pane maingihi.

Lukasi 22:50 교차 참조

Markus 14:47

Hangko inditi, hadua tauna au meangka hungku i Yesu mowuka pihona mobata hawina Tadulako Mpenomba Mahile, kana talingana pane maingihi.

2 Korintu 10:4

Kuasa-kuasa au kipopobundu i lalu pobagongki bara kuasa hangko i manusia agaiana kuasa hangko i Pue Ala. Hai kuasa iti kipake mogero bentenda iwalingki hai kipake moewa tauna au mosapuaka paturo au tou.

Roma 12:19

Halalu au kupokaahi: inee nihurungi kakadakena hangka rangami. Nipogiangaa Pue Ala mohukuhe. Lawi i lalu Sura Malelaha, Pue Ala mongkora node, “‘Iko pea au makuasa mehurungi. Iko pea au makuasa mehuku.’ ”

Lukasi 22:49

Karaitana topeguruNa apa au ina mewali, rauli, “Pue, noumba, kiewamohe hai piho?”

Lukasi 22:51

Nauli Yesu, “Handami!” Hai liliu motobo talingana hawi iti pane maoha.