Lukasi 22:36 - Sura Malelaha

³⁶ Rahanai, “Bara ara.” Nauli Yesu, “Agaiana mepongka ide-ide, hema au nakaarai doi ba baku, hangangaa nianti. Hai ane bara ara pihomi, nipobalu badumi nipopeholo piho.

Lukasi 22:36 교차 참조

1 Tesalonika 3:4

Tangangki mani hihimbela hai ikamu hangkoia, kiuli amimi kaina rapopeahi-ahinta tauna. Hai ide-ide mewalimi.

Yohane 16:33

Ope-ope ide Kuuliangaamokau bona molambikau katinda lalu hangko i pohintuwumi hai Iko. Tangami mani i dunia ide, batemi rapopeahi-ahi. Agaiana nipakaroho lalumi, lawi kuasa tokadake au ara i lalu i dunia ide Kunangimi.”

1 Peturu 4:1

Mewali, Kerisitu molambimi kapari tangana mani tuwo i dunia ide. Ido hai ikamu wori hangangaa nipakaroho lalumi bona masilolongakau mohalea kapari nodo Ia. Lawi hema au mohaleami kapari au nodo, barapi ina mobabehi dosa.

Yohane 15:20

Nikatuinao apa au Kuuliangaakau inona: hadua hawi bara meliu karabilana hangko i ampuna. Mewali ane Iko rapopeahi-ahi, ikamu wori ina rapopeahi-ahi. Ane arahe tauna au moula lolitaNgku, batenda mampeulai wori lolitami.

Matiu 10:10

Ineekau mebaku, ineekau moanti badumi morontau ba kandupa ba lai. Lawi hintotokau molambi kaparaluuami hangko i tauna au nibambaria Ngkorana Pue.

Lukasi 22:35

Roo indo, Yesu mouliangaahe topeguruNa, “KaKutudumi lao mobambari Ngkora Marasa, barakau Kupaliu moanti dompe ba rombe ba kandupami. I tempo iti, ba ara kamakurami?”

Lukasi 22:37

Lawi teukimi node i lalu Sura Malelaha: ‘Datu Topehompo ina rapahimbela hai tauna au kadake.’ Hai apa au teuki ide hangangaa mewali Iriko, lawi ope-ope au teuki i lalu Sura Malelaha kana Iriko, batena ina tepabukei.”

Lukasi 22:38

Rauli topeguruNa, “Pue, idemi piho romata.” Nahanai Yesu, “Handami.”