Lukasi 21:3 - Sura Malelaha

³ Nauli Yesu, “Kuuliangaakau: tobemba au meahi-ahi tuwona iti, popenombana melumbu hangko i ope-ope tauna ntanina au mopusa popenombanda,

Lukasi 21:3 교차 참조

2 Korintu 8:12

Lawi ane mampeinaoke motulungi ranganta hai mokirake popenombata moula apa au ara irikita, popenombata iti nadoko Pue Ala. Bara Naperapi irikita apa au meliu hangko i pesauruanta.

Suro 10:34

Napepongkami Peturu mololita, nauli, “Ide-ide kuisa mpuumi, Pue Ala bara mampopontani tauna.

Suro 4:27

O Pue, tepabukei mpuumi lolitana Daudi iti. Lawi tou-tou mpuu mewalimi i lalu wanua ide, Datu Herode hai Pontiu Pilatu hintuwuhe hihimbela hai to Yahudi hai tauna au barahe to Yahudi. I lalu kahintuwunda iti, mampeinaohe moewa Yesu, AnaMu au Malelaha au Nupileimi mewali Datu Topehompo.

Lukasi 12:44

Hawi iti batena ina naangka ampuna mokadipura ope-ope anu-anuna.

Lukasi 9:27

Nipehadingi maroa apa au Kuuliangaakau ide: ara i olomi au bara mani mate hangko damani moita poparentana Pue Ala.”

Lukasi 4:25

Takatuinao apa au teuki kana i nabi Elia hangkoia. I lalu talu parena hai ini wulana madii, alana hawe rimi mahile i humalele tampo iti. I tempo iti, bosa towawine au bemba maidahe i tampo Isaraeli.

Lukasi 21:2

Naita wori hadua towawine tobemba au meahi-ahi tuwona mopusa doi popenombana. Au napopesua iti, rompeka doi tambaga au haodi pea imbana.

Lukasi 21:4

lawi ihira mokira hangko i pelabiana pea doinda. Agaiana tobemba iti, nauri meahi-ahi tuwona, ia mokira ope-ope au ara iria au naparaluu woia i lalu katuwona alo-alona.”