Lukasi 21:15 - Sura Malelaha

¹⁵ Lawi Iko ina mowoli i lalumi pehanami au manoto alana bara rabuku iwalimi mosapuaka apa au niuli.

Lukasi 21:15 교차 참조

Epesu 6:19

Hai nipekakaea worina bona i tempoku mololita, Pue Ala moweina lolita au manoto bona datina langa mopahawe Ngkora Marasa au tewuniangi hangkoia.

Lukasi 12:12

Lawi i tempo iti, Inao Malelaha ina mopagurukau apa au hangangaa nihowara.”

Suro 6:10

Agaiana tauna iti bara rabuku mohanai apa au nauli Setepanu, lawi Inaona Pue Ala mopakanoto laluna mololita.

Lukasi 24:45

Roo indo, Yesu mobungkahi pekirinda kana i apa au teuki i lalu Sura Malelaha.

Yakobu 1:5

Ane arakau au bara moisa rara mokadipura tuwomi, agina niperapi kanoto lalu hangko i Pue Ala, hai batena Naweikau. Lawi apa au Nakira, Nakiraiahe ope-ope tauna hangko i kabulana laluNa, barahe Nawei ngkahunda-hunda.

Suro 26:28

Nahanai Datu Agripa nauli, “Nupehangu pae, holi-holi pewalingku to Sarani.”

Suro 24:25

Paulu mololita i Feliks node: ikita hangangaa manoto babehianta, hai hangangaa tabuku morempeki peundeana lalunta, lawi ina hawe Alo Pehukuna Pue Ala. Kanahadina Feliks lolita iti, langami, pane nauli, “Nodomi hampai! Laomoko! Kukakio peako deade, ane ara katepakangku.”

Suro 2:4

Roo indo, ope-ope tauna iti nakuasaimohe Inao Malelaha, hai mepongkamohe mololita i lalu ngkaia pakana basa au bara mani raisa, moula apa au napakanotoahe Inao Malelaha.

Lukasi 21:16

I tempo iti, ina rahuhukau i iwalimi. Ina rapobalukau tosaemi, halalumi, hantambiami, hai rangami. Hanggaakau ina rapapate.