Lukasi 20:24 - Sura Malelaha

²⁴ “NipopaitaaNa hampai mai doi hampeka! Lenggena hema hai hangana hema au ara i doi ide?” Rahanai, rauli, “Lenggena hai hangana Kaisar.”

Lukasi 20:24 교차 참조

Matiu 18:28

Laomi hawi iti, mampohidupaa hadua hangka hawina au moinda iria isabuna pea. Ia liliu mohaka rangana iti, naime hai nauliangaa: ‘Nubaiari ope-ope indamu!’

Pilipi 4:22

Ope-ope to Sarani i wanua ide, pelumbunami au arahe i souna Kaisar, mopakatu worihe tabeanda irikamu, halalu.

Suro 26:32

Roo indo, mololitami Datu Agripa i Festus, nauli, “Moleri, tauna iti peisami rakabaha, ane kebara mohawira kara-karana i Kaisar.”

Suro 11:28

Hadua hangko i olonda nabi iti rahanga Agabus. Anti kuasa au nahumba hangko i Inao Malelaha, meangkami Agabus mopahawe kaina arana rimi mahile i humalele Kadatua Roma. (Rimi iti tou-tou mpuu mewali i tempo poparentana Datu Mahile Klaudius i Roma.)

Lukasi 23:2

Kahawenda inditi, rapepongkami mosalai Yesu, rauli, “Tauna ide kilambi tangaNa mopakanawo tauna bosa! Nauli barangkai paraluu mobaiari asele i Kaisar i Roma. Hai Nauli wori kaIanami Datu au rahanga Kerisitu.”

Lukasi 20:22

Ido hai kipekuneKo: moula atura agamanta, hangangaa mobaiarike asele i Kaisar, ba bara?”

Lukasi 3:1

Hampulomi hai lima parena Kaisar Tiberius moparenta i wanua Roma, Pontiu Pilatu mewali gubernur i tampo Yudea, hai Herode Antipas au moparenta i Galilea. Pilipu, halaluna Herode, moparenta i Iturea hai i Trakonitis, hai Lisanias moparenta i Abilene.

Lukasi 2:1

I tempo iti, mohawami Kaisar Agustus bona ope-ope tauna i humalele kadatua Roma rauki hanganda bona raisa kabosanda.

Matiu 22:20

Mekune Yesu, “Lenggena hema hai hangana hema au ara i doi ide?”

Lukasi 20:23

Agaiana naisari Yesu tunggaiana lalunda au tewuniangi. Ido hai Nauliangaahe:

Lukasi 20:25

Nauli Yesu, “Ane nodo, wei Kaisar apa au hintoto rawei Kaisar, hai wei Pue Ala apa au hintoto rawei Pue Ala.”

Markus 12:16

Hangko inditi, rahuhua hampeka doi pera. Nadokomi Yesu hai Napekune, “Lenggena hema hai hangana hema au ara i doi ide?” Rahanai, “Lengge hai hangana Kaisar.”